Shan ramkulh, chaklei Lashio ah minung cawkzuarh, tangka chuh, firnak le thahnawnnak a tuahtu tiah ruahmi mino 4 cu May 2 ah mizapi hmai ah thih dan an pek hna, tiah The Kokang nih a langhter.
Kokang biaceihtu phu nih kum 24 tluk Shi Weyong, Guo Shaowei(kum 29), Shi Weichang(kum 18) le Guo Shauokuan(kum 21) an sualnak vialte cu mizapi hmai ah fianternak an tuah i, thih dan an pek hna, tiah theih a si.
Thih dan pekmi mino 4 chung ah 1 hi SAC ralkap kuttang Manpan Pyituhsit phu chungtel a si. Sualnak á¹ha lo voi 25 an tuahmi chung ah Myanmar rammi le Tuluk rammi zong an thah hna, tiah The Kokang nih a langhter.
Mi thilchuh le sualnak phunphun an tuahmi in an hmuhmi tangka hi Kyats 7.451 Billion a si i leilawng tampi zong aa tel, tiah theih a si.
Lashio khua ah 2022 July in 2023 February thla tiang sualnak an tuahmi leng ah kadang hmun ah sualnak an tuahmi tiang zong in an hmuh chuah khawh dih hna. An ngeihmi suingun chawva le thilri vialte cu mizapi hmai ah chuh an si i, thih dan an pek hna, tiah theih a si.TCP