Theitleih sawh: Trump a rumnak hi a pu, Frederick Trump ro in a si. Frederick Trump hi German ram ah a chuak i, US ah a rak pemmi a si. US a rak pem hnu ah barber, luhmeh a ttuan. Cun, Seattle ah real-estate ( inn cawk, inn zuar ) in Phaisa a kawl.
Cu khawh in, Canada ram, Yukon ah a kal i, Restaurant le arnu/ phatama dawr tuah in Phaisa tampi a hmuh. Cu, German ram ah a kir i nupi a va ngei. Cun, US ah a rak kir i, New York state ah inn cawk, innzuar lei chaw a leh than i, kum 49 a si lio, 1918 kum i Spanish Flu pandemic ah a nunnak a liam.
Frederick Trump nih Elizabeth, Fred Trump le John a hrin hna. A fapa Fred Trump nih a ro a co i, inn-cawk, inn zuar lei cu a peh. Fred Trump nih pafa 3 le fanu pahnih a hrin ve hna. A fapa 3 lakah Donald trump nih an family ro a co i, inn-cawk, inn zuar lei a peh. Donald Trump le Pu, Frederick Trump zohttinak.
Frederick Trump nih arnu dawr a tuah i, a tu Donald Trump nih Arnu a ihpi. A ihpimi nu kaa phihnak caah Phaisa a pekmi, Hush money ruang ah sualphawtnak 34 a tong. Frederick Trump cu kum 49 a si ah Flu Pandemic in a nunnak a liam. Flu Pandemic hi kum 100 dan ah a rami a si bantuk in 2019 ah Flu Pandemic/ Covid 19 a rak chuak tthan i, Covid 19 ruang ah Trump cu US president, a term 2nk a sung.
Trump cu sualphawtnak 34 in New York ah tazacuai a tong. A lawyer sinah Phaisa a pek ning an kherhhlai tikah, an business record ahhin, phuah-cawp in phaisa an luh, chuahter mi tete zong an hmuh. Asinain sual an phawtnak cu, a sual lo ( not guilty) tiah bia kan khiah piak. Zasang Cinzah