Chinmiphun cu ram pakhat ngeimi kan si caah mahte i ukpenak ding itawlrel ahau ve,mah kongah Chinland MPs hna le hriamtlaiphu kip hna cu, khuakhan lairel ttinak cu hun thawk a si i,tuthla chungah meeting cu hun ngeih asi lio ah, midang peng minfir chom tiangin Chinladn Council dohtu pengtlang an hun um.
Chinland Council dirhnak ah hin peng (myone) 7 le hriamtlaiphu 15 tluk an itelnak bu nganpi a hun si,mah cun Falam peng minpu in aa timi CNO le Tedim (zomi) minpu aa timi hna an MPs le hriamtlai an kai duh lo.
Falampeng chungah Hualngoram le Zanniat an kai ko caah CNO buaibainak hi Falam peng huap silo,Tedim chung zongah hriamtlai phukhat simi PDA hi CNA/F he rianttuantti an sive tthiam.
Tutan Chinland Council dirhnak kongah a nuar/a ung mi hna nih an logo he tiah statement an chuah, CDF Mindat,PDF Zoland (ZFU) le CNO hna an si.Mah hna phuthum cachuahmi ah Tonzaang peng le CDF Tonzaang min an fir caah CDF Tonzaang nihcun “kanmah theihnak tel loin kan min nan fir,kannih CDF Tonzaang cu Chinland Council ah ttha tein a kai/kai dingmi kan si ko tiah lehnak an tuah colh.
CDF mindat an palai an kai lo nain Mindat PMs an kai ko hna caah Chinland Council dirhnak kongah abuaibai tiphun in ruah lo ding,zeihmanh hi 100% a um kho lo,75% a tlin ahcun rianhma a kal ko,(USA rampi hmanah 100% a um kho lo) Chinland Council meeting kongah a dohtu phuthum nih a nithla he tiah an statement cu, publish ah an langhter dih, mahhi ralhrang sinah thawng hei pek he aa lo!
A tu lio hi raltuk le Chinram caah khuakhan laireltti caan a si nain micheu caah cun statement chuahtam i zuamnak le online laarkhelnak caan ah aa cang ve nain an lungfim chom dingah ruat ko hna usih,huat le remlo kha tuah a herh lo,a nuarmi cu leem an duh tinak siko caah nule pa nihcun fale nuar an leem tawn hna kha philh hlah uh. Salai William Hlawnceu