Laipa ahcun a thawng bik ka si tiah a chim bak ko hih! Rung Lian Ceu nih raltha taktak in a chimmi cu, ‘Tu lio current dirhmun ahcun Laimi aa pai mi lakah cun a tthawng bik ka si ko.
Zeitintiah Lai Champion patthawng Mang Ceu Lian, Uk Lian Thang, Biak Hmun Sang a teitu hna Venuzo ka tei caah a tthawng bik ka si ko tiah ka ruah. Naga pa Venuzo hi khel hnih in tei kaa tim tuk ko nain ka tei kho lo, khel khat lawng in ka tei khawh.
Tutan kan I paih ah hin Venuzo hi thiamnak siseh thazaang in siseh ka tei deuh ko tiah ka ruah. Nagaland kan I paih zong ah khan anmah paih in a ka nam chih caah ka rak sung. Kha lio zongah keimah nih thazaang siseh thiamnak siseh ka rak tei deuh ko tiah ka ruat ko‘ tiah a chim.
Rung Lian Ceu nih Venuzo A Tei Nak Video
Nigeria Ralkap Nih Vanlawng Lam Palhsual In Kahdohnak A Tuah Mi Ruangah Tualchungmi 85 Nunnak Liam
Nigeria chaklei ram Kaduna ramkulh, Muslim biaknak caan hmanglio micu vanlawng lam i palhsual in an kah hna caah tualchungmi 85 an nunnak liam tiah theih a si.
Hi kong he pehtlai in, Nigeria ramkulh cozah hruaitu Yabasani nih hi thil a cangmi hi Nigeria ralkap nih misual hriamtlaiphu kan kap hna an tinak ah an i palsual mi a si tiah a chim.
A tu bantuk in kan tuah sualmi ruangah sualnak ngeilo minung tampi nunnak a liammi hi kan thiamlo a si tiah Nigeria ralkap nih ngeihthiam halnak zong an tuah tiah theih a si.
Negerian ralkap Deputy Chief Lt, Gen. Tored Lebaja nih mipi sin ah an tuahsualmi ruagah ngeihthiam halnak a tuah. Hi kong he pehtlai in, Negeria Presedent tinubu nih thil umtuning kong ah hlathlainak tuah dingin nawl a pek hna tiah theih chih a si. Lungmili Post