Kaya ramkulh, Demoso peng nitlak lei hmun ah ralhrialmi hna umnak hmunhma hna cu SAC ralhrang nih kahdohnak a umlo nain cunglei in bomb a thlak pin ah bomb phir pawl in a kah chih hna, tiah tualchung mipi nih an langhter.

“Vaupi 29, zing suimilam 9:30 tluk ah SAC ralhrang nih kahdohnak umlo nain jet vanlawng in voi 7 tiang bomb a thlak pin ah bomb phir pawl hmang in a kah chap hna.

Suimilam 10:00 renglo 11:00 tluk tiang ah jet vanlawng hna hmang in a kah peng rih hna, voi khat rat ah jet vanlawng 2 nih a rak thlak” tiah mipi pakhat nih Khit Thit Media ah a chim.

SAC ralhrang nih bomb an thlaknak hmunhma hna cu ngiathlainak vanlawng pawl in an rak hel hna i, an i chawh peng rih caah mipi nunnak liammi le hliamhma tuarmi kong ah thawngfiang kan thei kho rih lo, tiah mipi hna nih an langhter.

By admin

Leave a Reply

Your email address will not be published. Required fields are marked *