SAC Nih Rakhine Ram Lei In Chin Ramkulh Ah Thazaang An Chap. Chin ramkulh ah ralkap thazaang chap ding in Rakhine ramkulh Sittawe lei in tilawng in an kal, tiah CNF/A chimphuannak nawlngeitu Salai Htet Ni nih a chim.

May be an image of body of water

“Sittwe lei in SAC tilawng nih ralkap le hriamnam a phurh hna. Sittwe in Chin ramkulh Paletwa lei ah ti lam in kalnak a um. Tilawng nih a phurhmi hna hi Chin ramkulh ah thazaang chap ding in a thlahmi hna a si tiin thawng an kan thanh,” tiah Salai Htet Ni nih a chim.

May be an image of body of water

Ṭha tein timhtuahnak kan ngei ko. 2021,2022 lio zong ah Chin ramkulh ah atu bantukin ralkap thazaang an rak chap. Atu belte cu phu tam ngai ah an i ṭhen caah ralring tein kan um ko, tiah a chim.

May be an image of body of water

February thla chung ah Matupi le Thantlang ah kahdohnak a zual. Matupi pawng, Yezua SAC ralkap sakhan ah ralkap ruak hna cu Helicopter nih a thiar hna. Cu ṭhiamṭhiam in Thantlang palik sakhan kan laak hnu in Mi 35 nih bomb a thlak.

May be an image of body of water

Riahcaw zong a chanh hna i ralkap thazaang zong a chap hna, tiah Salai Htet Ni nih cun a chim. Thantlang palik sakhan cu Chin rakap nih an laak hnu in SAC nih kan si khawh chung in kan sakhan kan laak ṭhan lai, tiah cathanh an chuah.TCP

By admin

Leave a Reply

Your email address will not be published. Required fields are marked *