Genesis in a tlaau cang mi nih Biathlaam/Biaphuan kan hun hrilhfiah ahcun zeizong te rawnnak hnawmdur bantuk in chung lei ah a lut! Cucu, theitlaailo in a thu i zeihmanhlo asi.
Nihin cu hlan Khrihfabu a rak diir hlaan le a rak diir kaa bantukin zumtu thahnawnnak le lamkaltu rian nautatnak le hrem le tlerh le khonh thongthlaak hna lairam ahcun a vun um tilo.
Bible tlaih in PATHIAN rian aa khinh mi poh kha upat le cawisaan cu sikaw hrintthanlo hmanh nih PATHIAN rian kan i tlaih ngam cang. Cutik ah Biatak ah hraambunh sitilo in anmah hmuh ning le pom ning ah hraam an bunh cang tikah Laimi Khrihfa hi nihin ni tiang kan dam taktak khawhlo nak hi asi.
Hlanchan bantuk khan Khrihfa mi thah le hremnak um sehlaw, nihin cawnpiaktu tampi cu Bible cilchaak in a zaam ding kan tam tuk mi hi Khrih lamkaltu ttha kan i ti ngam taktak ko maw?
Tangka tlawm deuh peek hmanh ah a hmaai a chia kho mi PATHIAN rianttuantu hna hi Biatak ttanh kan ti kho hna lai maw? Tangka ma kan rianh? Jesuh Khrih dah kan rianh? Timi hi ta an hngal taktak hnga maw? Faak piin PATHIAN rian kan ttuan ning cio hi ruah a hau ko cang hih!
Thlarau tlaau zawnruahnak tu he Biatak hi aupi hna usihlaw BAWIPA Kan cungah aa lawm ko lai. Soul nih PATHIAN bia leng ah kaar hlei a lamh caah hlawt in a um, PATHIAN Biatak chungtu ahhin hmun hna usih law cohlang mi lamkaltu ttha kan hei si kho hnga. Judson Bawi Lian