Kalay Myo khuasa Ka pa u fapa Siang Bik ( U Bik ) nih chunglei dam lo nak in nai te kha a kan liam tak e. U Bik aw ka nu a mah lawng na kaltak cu zeitin sikhawh lai, Keimah nih ka nu umpi hau na rak kan ti kha na chantawi tuk e.
Maw ka thin e sgp kn um lio ah khua mi te ti in mi adaw tuk mi zia tha tuk mi komh num tuk mi ta bik zei thawng he kan theih ee cu ngai kavun celh lo cu ka ngeih chia tuk ee RIP.
Relchap- Salai Htet Ni Falam Le Hakha Kar Ralhrang An Dohnak Kongah Biahal Nak An Tuah I A Leh Mi Hna
Central Lairam, Lawngtlai, 2023 Vaupi 14:East Lairam khualipi Hakha ah thilri le hriamnam pe dingin a thawhmi ralhraang tank 2 telh in motor dihlak cu Falam-Hakha kar ah Chinland ralkap fonh hna nih an hrawhpiak dih hna, ralhraang thi zong an tam.
Falam-Hakha kar kahdohnak he pehtlai in CNA/CNF chimnak nawlngeitu Salai Htet Ni le Khonuamtung biaruahnak cu ai tlak ning in Laica in kan rak leh. Biahalnak- Falam-Hakha kar ralhraang le Chinland ralkap kahdohnak dirhmun hmasabik ah kan chim kho law?.
Bialehnak- Vaute 7-8 ah Kalay in a rak kai mi ralhraang motor tlar cu Kalay in Falam an lonh, Falam in Hakha lei an rak i thawh, hi a rak i thawhmi hna hi thilri le hriamnam phurmi a si.
Chinland ralkap nih lam thlochuak an kah hna Vaupi 13 ah cun motor tlar dihlak tank 2 telh in thilri phur motor ke 6 ngei le ke 12 ngei motor tiang pakhat hmanh Hakha a lut dingmi a um lo.
Biahalnak- Tutan ralhraang Laitlang an rak kai ahhin zei bantuk thilri an rak phurh, an kai lio caan ahhin motor pa zeizat dah a si, zei bantuk hmuitinh in dah an rak kai?.
Bialehnak- Tutan Laitlang a a rak kai mi hi chaklei Laitlang ah hrambunhmi ralhraang Hakha ummi kan ti lai cu, thilri chanh ah aa thawhmi an si, fur, thal, khuasik caan zong ah hi bantuk hi an tuah tawn, tutan zong a si.
Kalay in an rak i thawh ah an minung thazaang hi 200 an si lai tiah kan ruahdamh, thazaang 200 le thilrit khat hriamnam, kuan, bomb he tiah an rak pawk, motor hi a dihlak ah 30 a si.
Biahalnak- A si ah cun Laitlang ah i a rak kaimi ralhraang motor vialte Chinland ralkap fonh nih an hrawh dih ti nak?.
Bialehnak – Aw a si ko, a tu ah Chuncung an phan, mah i hmuh khawhmi cu tank le zapi hmanmi motor 7 lawng a tang, cucu nihin ah kan hrawh khawh dih. Hakha ah a lut dingmi pakhat hmanh a tang ti lo.
Biahalnak- Ralhraang motor tlar hi Chinland ralkap fonh hna nih zeiti lei in dah an kah i an hrawh khawh ning a si?.
Bialehnak- An motor hi humhimnak fak pi’n an tuah piak, lam hnuhmai chakthlang tiah tha te’n hunhimnak an tuah caah motor tlar hi a hnulei zong nih nam awk a tha lo, naih awk a that lo caah Drone hi kan hmanbik mi a si. Cun bomb hmanh mi in a si. Motor humhimnak a lakpiaktu lam zohfelmi ralhraang tu cu karceh in kan doh hna.
Biahalnak- Kalay-Hakha cu nikhat kal a si, tu ah ralhraang hi thlakhat leng an rau, hi kahdohnak ahhin ralhraang lei thimi dirhmun hi tah?.
Bialehnak- Fianghlang in fehter khawh cu a si lo nain thazaang 200 chung ah 40 hrawng an tang lai, asinain a tangmi dihlak an thi dih tinak a si lo.A thi mi 100 leng cu an si lai, 120 hrawng hi ruahdamh a si, a dang cu hliamtuarmi a dam lo mi zong an um lai zatuak 100 ah 70 cu an thi cang tiah chim khawh a si.
Biahalnak- Chim na duhmi zeidang herh? Bialehnak- Si chim ka duhmi cu ralhraang nih Martial Law an thanh cang caah kan chimcia bantukin zapi kha an i hmuitinh lai hihi an ziakel te a si ko an hmantawnmi raltuk ning a si.
Zapi nih innlo kaanghnak an tuar, sunghzatlaknak a tam caah kan lung a nuam hrim lo. Asinain kan duhmi, zapi nih zeidah an duhti mi cu kan nih zong thazaang i hrim in a donghtiang doh lo ah cun Chinland ralkap le Chin zapi nih thimding dang lam a um lo. Pehzulh in tuahding mi cu kan tuah lai.TLT