A tlawm bik ah Ral voi 5 an hrial cang. Dothlennak caah mi tampi nunnak an thap, an pek cang. Inn 14+40 a kang cang. Asinain khua an chuahtak bal lo. Kan khua cu kanmah nih kan hngah awk a si, an ti. Pau dothlennak chungah ral a tuar bik khua pakhat a si. Upat tlak, bochan tlak an si.
Chuncung miraltha khua, nan tuarnak ah nan lung dong hlah u. Zinghmuh tlang a san le ngan i a feh bantukin sang chin ah, ngan chin in fek tein kan ram le miphun caah kan dirpiak zungzal u.
Relchap- CNA deuh, CDF deuh… nan ti maw? Kan senior pastor hi mitha a si caah kan i capo tawn. Zing khat cu devotion ah VOKSA a thawttertu cu CITE a si tiah biatak tein a kan cawnpiak.
A dih bak in kan senior pastor chimmi kha ka lungtling dih lo, kei cu CITE a thawttertu hi VOKSA a si, ahodah CITE lawng in a liak duhmi nan um, SATIL pawl lawng nih an duh, tiah capo in ka leh. An ni cio dih.
Kan hawipa nih, ZEI PEI, ZEI PEI voksa he a thaw bik? tiah a kan hal i antam, tumbor a ti na kan si. a dik lo, CITE he a thaw bik a rak ti. VOKSA lawng, CITE lawng an thaw lo. An pahnih fonh a zatawk lawng in an thaw ti.
Miphun le ram a dawtu u le nau hna, mit khat lawng au hna hlah usih. Hnulei lawng zong cuan hna hlah usih. Kan inntual lawng zong zoh hna hlah usih. Kan ram le miphun luatnak caah mitkhua dei caan a phan cang. Kutte le zawng za, tuan khat rel ti usih. Kam Lo