Pu Ngun Lian Cung Cinzah Cu Ramkhel Ah Voi 10 Aa Zuam I A Voihra Ning In Teinak A Hmu. Mizoram MLA i thimnak ah Lawngtlai West Bial in a voithumnak MLA ah thimmi Pu Ngun Lian Cung Cinzah hi ramkhel lei ah thimnak voi 10 a lut, hi voi 10 chung ah hin teinak a hmu dih.
Pu C Ngun Lian Cung hi Lawngtlai Bazar sang ah a ummi a si i, thimnak ah a luh hmasabik Village Council ah voihnih a tlin hnuah Lai Autonomous District Council ah Candidate a si than. Pu C Ngun Lian Cung hi Member of District Council (MDC) ah voinga aa zuam i, a voinga ning in teinak a hmu.
Cun Lai Autonomous District Council ah Chief Executive Member a țuan lio kum 2013 MLA i thimnak ah Lawnglai West in thim a si, hi a bial thiamthiam in kum 2018 le kum 2023 ah teinak a hmu thiamthiam. Pu C Ngun Lian Cung hi kum 63 tlukmi a si i, tutan hi MLA Candidate a si a donghnak a si lai zumh a si lo. The Lairam Times