Kyauk Htu peng kah doh nak ah SAC ralhrang lei in minung (15) an thi. Magway ramthen Kyauk Htu Peng ah SAC ralhrang pawl le tual chung mi ralkap kar lak ah April Ni thla Zarh khat nak ah kah doh nak achuak ii SAC ralhrang lei in minung (15) an thi tiah Kyauk Htu PDF nih an chim.
April Ni (5) zinglei sang ah Kyauk Htu Peng chak lei ah ral lam asial mi SAC ralhrang pawl Htat Mah 77 le (101) tangti Phu pawl hna cu ralkap thazang (70) hrawng in Ta Yat Chi khua le Nga Lun khua an phak ah Kyauk Htu PDF, Kanhkaw Batalian No. (9) nih Badeta bom lung (15) in an puah hnawh hna caah SAC ralhrang lei in minung (4) an thi ii (3) hliam an pu tiah theih asi.
Kaw Line ah ral lam asial mi SAC ralhrang pawl hna cu bom an puah hnawh hna ii (3) an thi. April Ni (7) ah Hmawng Pin Hteihlei ah ral lam asial mi SAC ralhrang pawl cu Kyauk Htu PDF ( YRPA), Kang kaw Batalian No.8,9, CDF Min Dat, YDF tangti Phu le adang tangti Phu hna nih an kah hna caah kah doh nak hi Suimilam (2:00) chung hrawng achuak ii SAC ralhrang lei in minung (11) an thi ii (5) hliam fak an pu tiah theih asi.
Kah doh nak ah an tuar a fah caah Kyauk Htu ram chung ah SAC ralhrang pawl nih Van Lawng in kah doh nak an tuah tiah tual chung mi nih an chim.
Mah ban tuk thiam thiam in Sagaing ram then kaw Lin khua in Ka Thit Kung khua ah zan riak in law Lin Peng lei ah ralkap thazang chap ding in ara mi SAC ralhrang pawl hna cu April Ni (9) zinglei suimilam (6:00) ah bom an puah hnawh hna ii minung (3) an thi ii (2) hliam an pu tiah The Secret Warrior Kawlin Phu nih cathah an chuah.
Hi ban tuk in kah doh nak hi Ka khan An PDF le The Secret Warrior Kawlin hna ii bawm in an tuah mi asi ii a thi mi SAC ralhrang (3) hna cu Kawlin ko Taung Buh lampi cung ii aum mi Inn pakhat chung ah mei in an khangh hna tiah an langh ter.
Mah lawng si loin Ka khan An khua Shwe Myanmar Pan dawr chak lei Mita (200) tluk ah kaw Lin in Htauh Puh lei ah arak Kai mi SAC mawtaw tluan cu April Ni (9) zanlei suimilam (4:10) hrawng ah bom an puah hnawh than hna ii SAC Ralhrang Tungbing cu akhen ii SAC ralhrang (2) hna cu Tungbing cung in an tla ii athihble thih lo tu cu fiang in theih asi rih lo.LCBN