Biathli:Kum 2 chung hi kan mipi hna sinah thanh ding le thanh lo ding ti bantuk in ca reltu hna nih chim le coment peek lengmang cio a si caah kan theih mi thawngpaang zong hi a dik ning in kan thanh ngam lo,hi lio ah a cheu nih le duhpaoh in thanh lengmang a si fawn ,cucaah tutan ka theih mi hi cu ka theih ning te in ka van ttial lai.
Zahan 10 April ni ah khan ngiathlaitu pakhat nih a chim ning te in ralhraang hi fing 4 in ka rel hna i a leeng i hmuh khawh mi hi 33 an si i motor a khalhtu hi zeizat an si bel cu ka fiang kho loh,a ti.Cun,nihin ah fing 5 in ka rel tthan hna,a kah zong kan kah pah fawn hna i a ril leen mi zong an um i,a nung i lam diltlaang leiah ai thup mi ka hmuh khawh mi hna hi 24 lawnglawng ka hmuh khawh cang hna.
Hi i ka hei zawndamh mi hna hi motor chung ah hin 1 cio baak an um ngam ka zum lo,a ruang cu,Motor hi bomp in puah hnawh lengmang an si caah a tam lei i 10 hna an um sual hnga maw,Motor chung ah hin ,a ti.
Ka hal tthan mi cu,Minung ralhraang lawng si lo in Motor na hmuh khawh mi hi teh,ka ti i a ka leh mi cu,”Motor a kal kho mi ka rel khawh mi hi 11 baak an si lo,a dang cu an um leen ve nain,Bomp in puah hnawh hrulh mi le hrawh cang mi le a mawngtu um lo deuh lawngte an si i,hi ti a cawl kho rih mi Motor hi cu 11 lawnglawng ka rel khawh mi an si ko e,a ti.
Ka hal tthan mi cu,Asi ahcun,Ralhraang Kalay in a rak kai mi,Thla khat chung buaipi mi pawl hi an tamloh na tinak a si maw,ka ti i a ka leh mi cu,”Aw cu zat thah an si cang ti cun ka chim kho lo,asinain a nung bak tiah ka hmuh khawh mi hna chung le motor a khalhtu ding i ruah mi hna he hin 30 tluk hi cu an taang ko rih lai tiah ka zumh e,a ti.TDT