Sagaing ramṭhen, Kawlin khuapi um ralhrang palik sakhan cu PDF ṭangṭi phu hna nih nihin zing ah an luhhnawh i an kah caah an laak khawh. Thongtla mi dihlak zong kan thlah hna, tiah PDF chungtel pakhat nih a chim.
“November 3 zing ah Kawlin khuapi ah ummi ralhrang palik sakhan le Myanmar Economic Bank telh in SAC ralhrang nih umhmun an khuarnak hmunhma hna cu mipi ralkap ṭangṭi phu hna nih an kah i palik sakhan an laak khawh caah zing suimilam 8:50 tluk ah SAC ralhrang nih raltuknak vanlawng in bomb a thlak nain nunnak liammi le hliam hma tuarmi an um hraw lo” tiah People’s Spring ah a chim.
Kawlin khuapi chung ah zaam kho rih lo in aa hreng mi tualchung mi cheukhat hna cu leng chuak rih lo ding in mipi ralkap hna nih nawlnak an tuah i hliamhma tuarmi an um sual ahcun pehtlaihnak caah tiin Page Messager le Telegram QR Code cu Kawlin Revolution -IR nih theihternak an tuah. Lungmili Post