Tachileik Khua Ah Zankhuadei Tlanzahnak Thli Aa Chemter Caah Minung Pakhat A Nunnak Liam. Tachileik khua ah kum 27 tluk pa pakhat cu zankhua dei thlanzahnak (Fan) thli aa chem ter nak ah a thluak thahri a cat i a nunnak a liam tiah kan theih.

April 28 zinglei suimilam 9 ah Tun Tun Oo cu ruah lo piin a lungmit i a tlu, lungfim lo in a um i siizung an kal pi lio ah a thih hi a si. “Zankhuadei thlanzahnak thli aa chem ter bu in a it, ruah lo piin a lungmit i a tluk caah a thluak thahri a cat, siizung ah kan tlik pi lio ah a nunnak a liam hi a si”tiah Tachileik khua mibawmchan tu phu pakhat nih a chim.

Thailand Ram In A Rak Kir Mi Myanmar Minung 10 Sinin COVID Zawtnak Hrik An Hmuh Hna. Thailand-Myanmar pehtlaihnak ramri gate pakhat ah Thailand ram ah riantuan in a rak kir mi Myanmar mi minung10 hna sin in COVID zawtnak hrik an hmuhchuah hna tiah Alin-tit mibawm chantu phu nih an langhter.

April 26 zinglei ah Mae-sot le Maywaddy ramri gate ah Thailand in Myanmar ram lei a rak kir mi riantuan tu pa 7 le nu 3 sinin COVID zawtnak hrik an hmuh hna hi a si. An mah he neihniam in a um mi minung 4 zong Maywaddy khua Quarantine Center pakhat ah zohfel dingin an chiah hna tiah kan theih.Lungmili Post

By admin

Leave a Reply

Your email address will not be published. Required fields are marked *