MNDAA Sakhan Pakhat SAC Ralhrang Nih Jet Vanlawng In Bomb A Thlak; 5 An Thi Pin Ah 3 Nih Hliamhma An Tuar.
Shan ramkulh, chaklei Thein-ni peng Nam-khine khua pawng ah ummu MNDAA sakhan pakhat cu Vaupi 27, zan suimilam 11:00 tluk ah SAC ralhrang nih jet vanlawng in bomb a thlak caah MNDAA hriamtlai in 5 an nunnak liam i, 3 nih hliamhma an tuar, tiah tualchungmi pakhat nih 7stars News ah a chim.
“Nam-khine khua cunglei ah MNDAA nih naite ah cankarlak sakhan pakhat an tuahmi a si i, KDA nih sakhan an rak tuahnak hmun zong a si. Zahan zan suimilam 11:00 renglo ah bomb puahkeh thawng kan theih i khua chung dihlak zong a tlerh in aa hnin dih
Cu tlawmpal ah vanlawng thawng kan theih, khua chung ah bomb a thlak tiin kan ruah hmasa, mipi kan himnak ding caah thla kan cam, cuhnu ah MNDAA sakhan bomb a thlak kan theih, motor inn zong an rawk dih i, MNDAA in 5 an nunnak a liam pin ah 3 nih hliamhma faak an tuar” tiah a chim.
MNDAA he aa neihniammi hna nih SAC ralhrang sin ah Location he thawng an pekmi si lai, tiah tualchung mipi nih an chim.Lungmili Post