(Mizoram-ah ZORO in tlawmngai pawl leh political party zawng zawng telin Hnam Inkhawmpui a ko nghal bawk.) Indigenous tribal leaders forum consultative meeting chu , Churachanpur-ah 16th May -2023 khan Zofa Tribal Hnam hruaitu ten darkar 4 chhung an inhmuhkhawm a , a hnuaia thil tarlante hi hmalak nghal a ni ang.

Tunhnaia Manipur buainaa tribal thi zawng zawng chinchhiaha sunna inkhawm urhsun tak neih a ni ang. Nunna chante hi. Meitei laka boralte hriatrengna War Cemetry ( Martarte Thlan) tia koh tur a ni .Tin , Manipur sorkar leh CSO chu mi tumahin biak pawh loh tur tih a ni bawk.

Imphala state sorkar hnathawkte chu Lamka-ah kír vek tur a ni a, Churachanpur khuaah Meitei sorkar hnathawk tumah an awm tawh tur a nilo an ti bawk. State sorkar program a siam hrim hrim chu tumah kal loh tur tih a ni.

Manipur sorkarah Land Re-organisation bill pakhat tal phutchhuah tur a ni a, ram leh administration thar din tur ani bawk.Mizoram aṭanga nitin eibar lakluhna tur North Eastern Economic Gateway siam tur a ni an ti bawk.Indian sorkar laipuiah political demand 3 an chhawp chhuah chuUnion territory , Greater Mizoram leh Separate administration from Manipur State tih a ni.

Sorkar hnathawh imphala awm zawng zawng ni 3 chhugin Imphal chhuahsanin Churachanpur an thleng tur a ni. “Kangvai ” khua hi indona hmun hmatawng ( frontline) a nih avangin ralthuam keng Zofa/ kuki volunteers te an duty reng ang.

Naga hnam awmna lamah Meitei ho dodal tura inbe turin palai intirh tum a ni. Mizoramah pawh ZORO General Headquarters chuan ni 26th leh 27th hian HNAM INKHAWMPUI A KONGHAL A , kawng an zawh mup mup dawn tih hriat a ni.

Zofate hi Myanmar ,Bangladesh leh India hmarchhak state Tripura, Assam ,Manipur stateah tuan leh mang a tangin kan pipute luah ram a ni a, Pathian in ram min pekte chu hnam dangin min chhuhsak duai duai mek a ni. ZORO huaihawt hnam kawngzawh-ah lo kal la, thang leh thar ten min dem loh nan Zofa inpumkhat rawn ti lang ve ang che.

By admin

Leave a Reply

Your email address will not be published. Required fields are marked *