Manipur state buainak nih Mizoram le Manipur state le Naga state hrawng cu a cul cuahmah lio a si. Miphun buainak an ti ko i a ruang bik cu ka hlat ve lem lo. Meitei le Kuki karlak buainak deuh a si rua. Manipur state hi Mizoram state tia bak a si ve. Asinan Laitlang nak cun a fa deuh ngai.

Manipur state ahcun milu million 2 le ting 8 leng an um i a tam bik miphun cu Meitei miphun an si i anmah holh zong tlangholh a si. Meitei miphun hi Kawlram ahcun Kate kan ti hna. An muisam le kanmah muisam bantuk an si nan annih cu Hindu biaknak a biami deuh an si.

Manipur state ahhin 53 zatuak cu Meitei milu an si i an pa 2nak ah Naga an si i a pathumnak ah Kuki an si. Manipur state hi a fate nain Miphun fate te an tamtuk ti si. Milu 2500 a simi miphun hna an um ti si (Serampore College ka rak tlawng lio ah Manipur kan hawipa nih a kan chimh). Holh a tlaumi miphun fa tete zong an um len ti si.

Meitei hi Kuki cithlak tangah an um nain anmah nih cun an duh lai lo dah ka ti. Manipur ahcun an lal ngai rua i Naga, Mizo le Chin midang le Kuki pawl he hin pehtlaih nak ttha an nei kho rua lo. Chim duhmi cu Chin miphun chungah i tel dawh an si rua lo.

Hindu biaknak zong an biak tik ah Chin miphun dang he i rem ding cu a fawi lai lo. Meitei (Kate) miphun hi vawlei cung pumpi ah million 1 le ting 8 leng an um ti si. Kawlram zongah 28,000 hrawng an um rua. Anmah Meitei miphun nihhin teh Chin miphun kan si ve an ti hnga maw tihi theih ka duh ngaimi a si.

Cun zeiruang ah dah Kuki le Chin miphun dang fa deuh he an buai tawn hnga timi zonghi theih ka duh ngai. Mizoram news nih an timi cu Zo hnahthlak (Chin miphun) dang pawl lungrual tein kan um tti ahcun Meitei pawl hi cawl kho loin kan tuah hna lai an ti. Naga pawl hna an thin a har ahcun an fawi lai lo an ti.

Nagaland state cu Manipur state le Mizoram state nak in a fa deuh i milu million 2 deng an um. Laimi thawngpang ttialtu pawl nih van hlat uh law Meitei le Kuki buainak cu tling deuh van ttial uh law a ttha lai.

By admin

Leave a Reply

Your email address will not be published. Required fields are marked *