Peter Ṭhanghtu Ar Nih Pu Henry Van Ṭhio Hi A Ṭhangh Kholo Maw? Lungtum Peter nih Jesuh a hlawt. VP Pu Henry Van Ṭhio nih Suu Ci a hlawt ve.
Jerusalem Arkhawngpa nih Jesuh Hlawttu Peter cu Zanṭim khua mawt ah a Ṭhangh ko nain Suuci le Mipi Hlawttu Jessypa cu Chun Laicer nilin saling lio bakah Mipi le Chinmi kan ral nganbik MAH a kawp ko. Kawlram Duh Tamada asimi Chin SPH Pu Henry Van Ṭhio nih Chinmi le Kawl mipi cu dawtnak riakruun an kan sawm ti lo. Ciliova an kan siter.
Jesuh nih Arkhuang hlan ah voithum na ka hlawt lai ati bang a hlawttu Salai Peter cu Jerusalem Arhli nih a Ṭhangh ko nain Suuci Le mipi hlawttu Henry Van Ṭhio cu Nipidaw Arhli nih an Ṭhangh kho bak ti lo. Rangoon Mg Ni te chung Ar zong nih an ṭhangh khawh baklomi Jessypa. Hakha Pa Nak te Arhli le Thantlang Cer Tawi pa te Arhli tal nih an ṭhangh lailo maw?
Chinmi Saal ah an kan zuat zungzaltu Kawl Ralkap le an Luban vialte cihmihnak caah Dollar in ṭuannak ah aa ṭhangh khawh lomi Chinmi (Abik in LAIMI) ṭhangh khawhtu Ar zong an um rih rua lo. 25 Million dollar a bau ruangmang rih ee Vik To le Bik To aw?
Nan Dollar a Lengleh i a Lengṭul tikah le nan dollar a nuthlawi tikah cun Chinmi Saal kan si diam cang lai. Kawl Ralhrang teinak ah na dollar na sianlo i tinsih chihin khua nasa zungzal ko ahcun na dollar an Nuhmei can kha a nai cang i a ra lio ko.
Kawl Ralhrang tei awkah One command tang ah um a herh tiah hngalh ko na rawraw in Chin Ralkapbu ah aa fawnh duh lomi hriamtlai le lutlai Upa hna ṭhangh tu Arhli hi tah an um khawh ti ve lai lo maw Ka maw le?
Many Command he Standard Amy asimi Kawl Ralkap hi tei khawh asi lo caah Chin Ralkap ah kan i fawnh duh lo zongah an kuthnuai ah um hi MAH teinak asi, Chinram zalennak asi tiah ahngalh khawh lomi Pengtlang hriamtlai luban le an hruaitu hna Ṭhanghtu Arhli hi Van in maw atla lai?
2008 Phunghrampi ningin voi 2 lawng lakhruak in can karlak uknak cu Rallokap nih lak khawh asi nain Normal timi sining kelin thil a kallo timi biafang ruangah MAH nih thla 6 dan in voi4 uknak cu aa chap cang bangin Mipi duhning siloin mah duh ning le mah nih siter duhmi lawng tein Pengtlang ahruai i ukpen a duh zungzaltu hriamtlai bawi hna le Upa hna Ṭhanghtu Ar tah??
Tutan MAH nih uknak aa chap mi asullam cu amah teitu kan um khawh hlan lo poah hitin an kan tuahto zungzal lai tinak asi. Kawl Ralhrang MAH tei awkah One command tang ah um aherh bantukin Dollar tampi in kan ṭuan ve aherh. Chin Ralkap ah Dollar 25 million lawng siloin kan bungh hnawh caan kha a phan tuk cang.
A tlai lei hmanh khi asi cang. Chin Ralkapbu ah i funtom can kha kan phak tuk cang caah Pengtlang le Pengkulh Hriamtlai hruaitu vialte khua fak piin kan tuak piak cang uh law tiah kan nawl duh hna, kan bawipa te le zei kan ti hnga! Saya H. Rung kaw