Mizo Zirlai Pawl nih Myanmar ram mi Mizoram ah Ralzaam hna Warning a pek. MZP nih cun Mizo Miphun Kan chak lei u nau Ralzaam hna kut in minung pakhat nunnak a liam than a si ahcun, Mizoram ram in an kirnak lai kan i zuam lai aherhmi poh kan tawlrel lai tiah a chim.
Mizoram kan unau hna nih An unau hna an umnak kan va ralzaam nak ah kan thah hna le kan nawn hna hi a can lengmang caah a tu bantuk in biakhiahnak an tuahmi cu Miphun khat kan sinak in kan cungah biacaihnak an ngeihning zoh ah lung a hmui lo taktak.
Kan U nau Mizoram dothlennak an rak tuahlio ah țiau kam minung le khua nih zeitluk harsa le tem innak in dah an rak kan zoh khenhtimi a hngal lo mi an i lawhter cang.
Mizoram dothlennak an tuah lio ah a taktak ahcun Chin mi chung in a mah caah hriamtlai ve mi minung zeimawzat an um le an mah ruangah Chin Mi minung nunnak a liam ve mi hna an hngal ti rua lo.
Atu bantuk in Kan cungah biacaihnak an ngeihmi cu Fimthiamnak phuu pakhat a simi mino nih an biacaihnak ahcun Miphun pakhat pi caah thiltha lo a chuahpi kho tu a si zawng an hngalh ko lai nain an biachahmi ah Chin Mi kan ngaihchiatnak le kan tuarnak a zual chin ko rua. Chin Network