Minung Cu Tlamtling Kan Um Lo I Soisel Cu Welcome A Si. Nain Lih Puh Cu Misual Rian A Si
Ka soisel ko uh law Lih cu ka puh hram hlah uh! “Vaurawng nih ral hliam mi pawl hna caah Phaisa tlamtling tein an liam dih mi receipt hmang in a thli tein ram dang Krihfa bu tampi bawmh a hal hna” tiah media in sual an ka phawt. Receipt a hman timi le a thli tein timi hi Lih a si.
Delhi phan Hliamtuar tuanbia tawi fiannak in ka tial lai. Thlop dingah a rak phan hmasa mi hi CNDF,CDF (Mindat), CDF ( Hakha) an si. Cu hnu ah CDF (Thantlang) a rak phan ve i hi lio ah Vaurawng he kan i chawn hna i hliamtuar a rak phan thar ding mi caah rian kan tuan ti.
Hi thawkin a ra thar mi caah inn kan hlan piak hna i kut/ke lem tuahnak caah a dihmi kha Vaurawng nih an liam piak.Inn le sii inn lei a herhmi ka tawlrel i phaisa ka tlaih piak hna. Hliamtuar an vun tam deuh tikah thla hlawh pekin staff pakhat ka lak piak uh law tiah ka chimh hna, an lak i inn 2 kan hlan.
Inn kan hlanmi cu Charlotte Chin Baptist Church (CCBC) nih an liam piak hna. Vaurawng he pehtlaihnak kan rak ngaih hlan ah kan pa le Salai Cung Dawt le Salai Tin Cung hna zong hliamtuar sii inn zulh te pawl a kan tawlrel pi tu an si.
Kum khat leng volunteer in ka tuan chungah hliamtuar cheu cu an zaw lengmang. Zingzan in ni 5 hna sii thlaih an hau. Anmah lawng siloin a um pi tu tiang a zaw mi an um.
Cun Ke tan mi pawl hi sii inn ah an tan than mi cheu khat cu, an tan hnu hna in an hma tawl piak an hau. Keimah nih sii ai man a dihmi hliamtuar pawl sin in phaisa lak kha a si kho lo i family mission ah kan i chiah i a lakin ka thlop hna. Hliamtuar Vaurawng he aa pehtlai lo mi zong an um.
Culakah ralzam chungin mizaw zual sii thlaih hau mi,sii inn kainak ngei bak lo mi hna an um.Cun ram chungin mizaw tampi nih Delhi sii inn an rak panh duah mah i zarh khat ahhin a tlawm bik sii inn ah ni 4-5 mizaw ka zul peng.Tulio le bang cu nikhat ah sii inn hmun dang pa 5 tiang mizaw ka zulh caan a um.
Hi vialte te hi mission lian pi a si caah kanmah lawngin phaisa thazang in siseh, minung thazang in siseh a si kho lo ka ti i Samaritan Chin Mission kan dirh. Cu kan dirhnak kong cu Dec 2022 ah ka page ah ka tial.Vaurawng nih phone an ka chawn i Vaurawng hi mumal deuh in a kal khawhnak ding caah Committee kan dirh lai an ka ti.
Keimah cu staff zong ka si lo i nanmah nawl si ko. A tha tuk. Committee ah tel le tel lo kong cu Kan pa zong ka rak chimh ta lai ka ti. Kan pa he kan rak i ruah tikah Vaurawng nih a huap khawh lo mi vialte kan timhcia mi hi kan kal pi ko lai kan ti. Vaurawng he kan i chawn than tikah keimah cu mizaw caah tuanmi ka si.
Committee i kan um ahcun meeting le zoom hna ah thut hau lai i caan ka pe kho lai lo.Vaurawng ca zongah a tha lo tiah ka ti hna I, A hlan bantuk tein kan bawmh peng ko hna lai ka ti i, nuam tein kan bia kan donghter.
Vaurawng committte i kan i tel lo ruangah mizaw caah dawn khangtu zeihmanh a um lo. A ho nih fial chawm mi siloin mah lungtho tein Mizaw caah rian tuan piak a si i thiltha a si caah a thli thup in bawmh hal khi a herh lo.
Hliamtuar kut/ke lem tuahnak hi P&O Hospital a si i Vaurawng nih phaisa peknak receipt kan herh an ka ti caah hospital ah original ka print ter hna i anmah sinah ka kuat.Cu lawnglawng cu receipt ka kuat bal mi a si.
Samaritan Chin Mission rian tuannak mission lian pi a si caah Krihfa buu cu kan thazang a si. Krihfa buu thawngin Feb thla in staff pa (2) kan lak hna.
Hi hmanh hi rian kan tei lo caan a um.A kan bawm kho mi nih a kan bawmh lai.A kan bawmh khawh lo zongah rian ai ngol lai lo. Bawmtu ngei loin kum (1) leng ka tuan cangmi a si. Mission rian cu a tum chuk bal lo.
A thang duahmah lai. Kan mission rian ahhin phuhrung nak a pelte zong ka ngei lo i kai lawm zungzal ko. Minung cu tlamtling kan um lo i soisel cu welcome a si.Nain Lih puh cu misual rian a si. Dr. Pari