CNA nih Ral kan sung ahcun Pau Dohthlennak a dih. NUG zong a dih cikcek ve lai. Aruang cu Tanglei bantukin an si. Pengkulh 330 a um mi ah hnarcheu lawng SAC nih an uk khawh. Pengkulh 96 cu Biatak tein SAC nih hip a herh tiah MAH nih Uknak amah tein aa chap lio, 1 February 2023 ah a chim.

Martial Law an thanh mi 37 + 3 = 40 kan zoh tikah CHIN RALKAPBU CNA le an hawikom Mipi Hriamtlaibu hna raldohnak hmun lawngte ansi ti khawh asi. Sagaing le Magway Ramṭhen ah SAC he raldohnak a fak bik nak hmunhma vialte cu CNA nih raldoh pi nak hmun lawngte an si. Kachin Ramri Sagaing ah KIA nih an bawmh ve hna. CNA ruangah Sagaing le Magway ka uk khawh lo tiah MAH nih ati.

Martial Law in ukmi cu MAH nih a tei lonak le a uk khawh lo nak hmun ansi. Chin Paletwa cu AA le SAC PEACE ruangah Martial law ah aa tello. Mindat cu 2021 ah Martial law an thanh cang. Chinram ah Martial law cu 100% bak asi.

Chinram lawng siloin Sagaing le Magway Ramṭhen Martial Law in uk an duhnak ram Pengkulh vialte cu CNA thawngin SAC kan tei cuahmah nak hmun ansi. Cucaah MAH nih Chinram ka lak ahcun Pau Dohthlennak a dih cang tiah a ruah I, a uknak a hmun zungzal cang tiah a ruah. 2023 thimhnak zong ka tuah khawh lai Chinram lak ahcun an ti. Zungzal kan pen cang hna lai an ti.

Cucaah Tutan I kap thum in Chinram ah Rallokap nih an rak kai. Rakhine ram le Shanram hrambunh Ṭatma le Battalion hna pinah, Kawlram ah a sual bikmi Ṭatma le battalion hna kha CHINRAM ah an rak thlah hna. Pakokku lei in Motor 80 leng le Rallokap tampi he Mindat,

Kanpelet le Matupi namh awkah, Kalay Myo leiin Tanks, Motor 30 leng le Rallokap 100 leng he Haka Thantlang lei ah panh in, Paletwa leiin Lailenpi le Sami in Matupi le Thantlang peng namh awkah an rak kai. Tutan hi raldohnak a fak khawh bantukin April thla dih fur ah raldohnak biatak tein thawk awkah Minung, Ration, Hriam le Kuanzen aa khonh I aa chiah cia mi asi.

Chinram cu Kawl Ralhrang rual nih lak khawh hlah seh law, NUG nih teinak hmuh seh ti kan duh ahcun a lam 5 aum. (1) NUG Federal Ralkap nih Chinram pin lei ah aum mi Kawlram hmunhma kip ah raldohnak fak pi in an thawk cang a herh. (2) NUG nih hriamnam, Kuanzen, Bomh, Drone, Vanlawng kahnak cu CNA kut ah Ready in an chiah dih a herh. (3) Ramleng um mi CHIN Phuntungtu le Phun U rual nih tampi in kan thawh a herh.

(4) Ramchung CHIN Mirum hna nih tampi in kan thawh ve a herh. Krifabu nih Satan Nakin a sual dueh mi Kawl Ralhrang dohnak caah kan ngeihchiah Chawva ka pek ve a herh cang. Krifabu hrawk ding le Kri Mission cihmih awkah a ra mi SAC ansi caah. Krifabu le Pathian Mission caah Raldohmi CNA le an hawi le Ralkap an si.

NUG nih Northern Brethren Alliance EAOs 6 (UWSA, MNDAA, TNLA, SSPP, AA, KIA) hi CNF he I bawmh in SAC doh ve ding ah sawm khawh I zuam uh. NCA ah I tel duh loin anmah lawng tein Kawl Ralhrang he aa doh mi ansi ko nain an tei khawh lo mi an si. Hi phu 6 lawngin SAC a tei khawhmi an si. 15th March 2023 ah Pansai khua ah Meeting an tuah.

FPNCC phu an ti hna I Tuluk nih SAC he PEACE tuah ding in a sawm mi hna an si. SAC he PEACE tuah in hlan lio NLD cozah siam awkah an tuah mi FPNCC Meeting asi. Ukraine le Tuluk an I tawn cang. PEACE tuah awkah asi. USA le ASEAN nih Tuluk nih SAC le FPNCC PEACE hi thazang an pek mi asi. Pau Dohthlennak dih ter awkah asi.

NUG ih FPNCC nan tawn hna tikah a herh ahcun Khukbil in biak ko hna uh. NUG NUCC CRPH nih Chauvinism a ci kan hmih lai ti uh law, Tlangcungmi duhmi Federal le Panglong, 8 States mumal kha hmaitlam ah I ken uh. NUG NUCC ah Tlukruannak um cang lai tiah ti uhlaw, kan tharchuah lai ti uh. FPNCC le EAOs nih Kawlte he aa ruangmi Palai (Mandates) cu NUG Le NUCC ah thlah uhlaw, kan tharchuah lai ti uh.

CRPH Hotu Rulpuar U Aung Kyi Nyunt le MOD Pu Yemon kan phuah hna lai I nanmah nansi lai ti uh. C3C ah Sitthuci cu nanmah nan si lai ti uh. Kawlram le mipi nan kan dawt, Federal le Panglong thinlung a ngeih taktak mi NUG nan si ahcun tuah khawh lo ding aum lo. NUG ah Tlangcungmi an um ko kan ti hlah uh. SAC zongah an um ve ko ṭung. SAC um Tlangcungmi hmanh an tam deuh lai. Saya H Rung kaw

By admin

Leave a Reply

Your email address will not be published. Required fields are marked *