Chin Star Hi Min aung Hlaing Fanu Nih A Timh Lamh Mi A si. Min Aung Hlaing Fanu nih Chinstar cu a dirh i, Salai arak simi John Lungthli Tum cu riantuan tu men ah arak hmanmi men a si.
Myanmar, Ramchung Mino pawl vialte hi mipi ralkap ah lut kho hna hlah sehlaw hlasak le nuamhnak in um hna sehlaw, mipi thazaang vaivuan seh tiah hmuitinhnak he tuahmi asi tiah Pu Khua Uk Lian (CNF) nih Vaurawng ah a chim.
Hi thil tuahnak hi, SAC ralhrang lei he pehtkai in, riantuan ṭi nak a si caah kan duh lo tâktak mi a si tiah, Pu Khua Uk Lian (CNF) nih pehchap in a chim.
Falam Khuapi Ah SAC Ralhrang Nih CNDF Ralkap Pakhat An Tlaih! Chin ramkulh, Falam khuapi, Cinmual sang ah November 17, zanlei suimilam 3:00 hrawng ah Chin National Defence Force(CNDF) ralkap pakhat cu SAC ralhrang nih an tlaih, tiah tualchung mi hna nih an chim.
“CNDF ralkap pathum hrawng an si i, Falam khuapi Cinmual sang um siangsangrun No.2 lamcung ah SAC ralhrang pawl he hmaitonh in an i tong i hnulei kir ṭhan in zaam an i timh lio ah SAC ralhrang pawl nih meithal an puah i pakhat cu an tlaih.
A dang pahnih cu an zaam kho. Tlaihkhih a tongmi pakhat cu meithal hliamhma a tuar le tuar lo kan thei kho lo. Falam khuapi um SAC ralhrang sakhan pi ah an kalpi” tiah tualchung mi pakhat nih Zalen ah a chim.
SAC ralhrang thawngzamhnak Telegram nihcun ” Misual a thimi ruak pakhat kan hmuh i kutcheh bomb 1, Drone battery 1 le CNDF hmelchunhnak aa telmi luchin 1 zong kan laak chih” tiah an langhter.
Hi kong he pehtlai in nunnak liammi an um le um lo cu ṭuanvo ngeitu phu hna nih thawngthanhnak zeihmanh an tuah rih lo nain thlaihkhih a tong timi tu cu ṭuanvo ngeitu hna sin in theih a si. Lungmili Post