Ralhrang nih hin Jet fighter le helicopter in mipi ralkap tei khawhnak thazaang ngaingai ai ngeih lo. America le Russia hmanh nih van ralkap thazaang lawngin cun mi an tei kho taktak lo timi cu Vietnam le Ukraine War ah hmuh khawh a si ko.
Vanlawng kahnak hi cawk a fawimi thil a si lo, cozah pakhat le cozah pakhat hmanh ai zuarh ngam lomi an tampi MANPODS koko hmanh khi. Asinain NUG cu hi kongah tutiang zeipipa an chuahpi khawh tuk lomi hmuh ah tlawmpal cu an santlailo deuh ka ti.
Asinain Civil War timi ahcun a caan asauh deuh paoh le hrimnam ngan cu a hung chuak chin lengmang lai, vanlawng kahnak a tha bakmi zong hi kan ngei hrimhrim te lai. Cutik ahcun ralhrang lam hi a pit dih te lai lungsau deuh vak in le tuarnak tampi he hngah cu a hậu hnga.
Khát leiah fake account in CNA, Vaurawng le CDF soiselnak tete a vun tâm ngai, hi kongah lungfahpi le biapihla tukah chiah dingah ka ruat lo. Soiseltu cu rak um phung asi ve ko i remh ding a um asi le i remh ding.
Asilomi asi le hi pawl bia luklak tiin i theihter lo ding khi asi ko mipi an fimtuk cang hna i a herh ning in mipi riantu ah chia ko u. Fake account cu kan admins pawl nih block kan thok cuahmah cang hna an ka ti tuhi. Ka theih viar ko hna fake account hmangtu hi an luantuk an si le an min tak in ka vun tar te hna lai.
Vanlawng kahnak (air defense system) nak in a biapi deuhmi cu ram dawtnak le lungrualnak hi asi. Highway vialte mipi ralkap nih an control khawh dih cang, Yangon le Naypyidaw airbase hmanh a him ti lo, ralhrang cu zukhur erh in an i erh cang.
Ralkap 400,000 in 500,000 kar an ngei an timi cu lih hmanh ah lih fangfak asi zia cu nan hmuh ko khi, a hmunkip in ralkap kuat awk a ngeiti tung lo, kan tei hrimhrim lai, kan tei dih nawn cang timi cu kan control area in a langh ko khi teh!
CNA nih hin vanlawng kahnak a tha deuhmi cu a ngei lai lo nain tu i a ngeihmi pawl tete hi a za diam ve ko. Vanthat ahcun RPG 7 hmanh nih US helicopter thabik Boeing AH-64 Apache kha Iraq ral lio ah tla bakin an rak kah ko.
Cucaah CNA nih an ngeihmi khi hlat kahnak le thattuk mi asi lo zongah tulio dirhmun ahcun ralhrang zong nih vanlawng ngaingai in mi a ti khawh thlu ve taktak lo caah ai a kan tei khawhnak ding lam a um hlei lo.