Mi nawl cawng, cawng kholo, Saruh teuh, teuh kholo tiah Lailei ngakchia an au bang au hnawh phu an si.
Ne Win le Saw Mawng le Than Shwe le Khin Ngunh zong nih hriamnam bochan in uknak hramhram in an rak lak khawh lengmang ko caah fawite in ka lak khawh ve rua lai tiah MAL nih ai ruah sual.
MRTV le Myawaddy TV le an control mi tadinca in kan duhmi poh kan chim lai i mipi nih an izumh ko lai. 1962 in kan rak hman cang mi tactic kha atu tiang hman khawh asi rih rua tiah a ruah.
Vawlei pi hi hmai ah a rak tli tuk cang i, ram mipi le mino hna hi an mah nak in an rak fim, an rak smart deuhtuk cang ti zong kha an rak thei tilo.
Kawl ralhrang an ram abi chin lengmang. 2021 February hlan i an rak ukpen khawh nak le atu lio an dirhmun map kha Free Burma Ranger timi nih an vun hmuhsak mi asi.
Free Burma Ranger hi US ralkap hlun Colonel pa nih a dirh mi bu asi. Khuate lei ah si lei thlopbul le humanitarian lei ah mi abawm mi an si.