Ralțha tuk in a chim tikah, khoi kan zoh te lai cu tiah April chuah lai cu bawh cio a si. A chim bantukte in thla dongh lei hmanhah a si lo hi, April thla thawhka bakah a tling taktak hi awh.
Cucu a chimmi a diktuk e tinak in, a den tawn a si ko an ti, a rawh dih țung lo, Inn tlawmte le mi 2. 3 te lawng an thi ko hi an ti. Inn a thongthong le a sangsang hrawk ding le Mi a thongthong le a sangsang that-tu ah Thli cu nawl a pek lo kha Bawipa hupphenhnak a zaangfahnak kan hmuh caah a si tiawk an hngalh lo.
A chimmi dohnak dingah State dang zongah a hrang pengmi a si ko ti men ding a si lo. Bawipa nih thli le ruah hna hi kan nunnak dingah a kan pekmi a si. Asinain zeiruangah dah thihnak ah an can? Pathian nih a duhnak a um lai cu. Pathian duhnak le a ruang bel a chimchung khotu hohmanh kan um hna lo caah a si.
Pathian nih harnak a tlunter tikah a ruang an um dih cuh. Tutan ah minu nih a chimmi bia kha tling loin April thla luan tuah sehlaw profet deu ti a hun si hnga i, Comment pek awkah Piter le Putar tiang an i thawh hnga dah. A rawh dih lomi kha, Bawipa huhphenhnak le kilvennaktu kan hmu tiin kan ruah dingtu a si deuh. F Bawi Khamh