Ka miphun ,Chin miphunh,cuhmanh ah Laiholh a hmang mi pawl hi a tulio kan ram buainak kong he pehtlai in kan cawlcangh ning le kan bia chim le kan holh rel le kan um tuning tete zoh le hmuh lengmang tik ah hin ngaihchia ngaingai kan si ko hna,hibantuk thinlung le ruahnak a ngei mi le lungput a ngei mi hi miphun dawtnak le zawnruahnak a ngei ngaingai mi kan si hi zumh a um lem loh,hibantuk ruahnak le thinlung a put tu hi cu kan miphun i tthen cheunak lungput a ngei mi le kan miphun hi i tthen cheu zongah poi a ti lo mi kan si ka zumh.

Hitluk in kan ram a buai ruangah kan miphun aiawh bakin thih le thih nun le nun tiin Chin pasalttha hna nih ral an doh hna lio le an thisen a chuahpin ah thihnak tiangin miphun le ram ca i an peek cuahmah lio ah mah kal ngam cu chim lo,unau chuahpi lawng hmanh si lo in,kan pate fa maw,kan ni fa maw, hna hmanh ralhraang doh dingin a kal mi le kal aitim mi hna kha a langtlaang in

“Nang cu rak kal duh hlah,na nu a ho nih dah a cawm lai,na pa a ho nih dah a cawm lai,kal law na thi lai i zeihmanh na thih tikah lukhawng hmuh ding na chung le nih an ngei lai lo,na thih ahcun Arte thih men in pei na thih ko lai cu tiin sahlawh le unau hmanh ralhraang dohtu a kal mi le kal ai tim mi a thlauh ko mi hna nih kan vai thawh le,”Ralhraang 200 hmanh a tlinglo mi hmanh a kham kho lo mi hna nih ral kan tei lai,teinak kan hmuh lai nan hei ti leen tiin nan hei sawisel leen ve hna.

Culawng hlah,kan vai thawh rih le,”CNF Lutlai pawl tiangin ningzak na si e kha e tiah kan aukhuan hnawh ngam rih fawn hna.Unau,a tubantuk in Chin pasalttha hna le CNF/A lutlai pawl a aukhuan hnawh ngam ding i nai ruah ahcun,Voikhat te tal na inn le lo le na chungkhar,na nu le na pa le na u le na nau hna kha chuahtak hna law na miphun le ram caah cun ram tang ah a kuma hau lo,Thlakhat te tal va riak law,cu na va riah hnu i na thil ton mi le kan pasalttha hna nih an doh mi cu va dohpi hna law,cu hnu ah a tubantuk in na ning a hngal zong ah tlawmpal cu na miphun nih kan in hmuh ning le kan in ruah ning cu kan danter deuh kohnga.

Cu sittunglo in a langtlaang in na au menmen le na unau cu chim lo,na pate fa le na ni fa tibantuk hmanh CNA/CDF ah luh le kal a kham ko mi,cun hawi hlei in miphun caah tangka thawhnak zongah zei huaha a thawhlo mi nangmah le keimah te hna nih cun kan pasalttha hna nih ral an dohnak le CNA/F Lutlai hna nih an cawlcanghnak cu an chiatnak cu chimlo,an tthatnak kong hmanh a chim ngam ding le a ceih ngam ding khi kan si lo ti kha i thei law,na au aw,Dalan au aw kha,Miphun le ram dirkamhtu aw ah rak thleng zawk dingin theihter kan si hih.

A donghnak i ka chim chih duh mi cu,”Chin pasalttha hna nih khin nangmah nu le keimah pa aiawh in ral a do mi hna nih khin kan ram le kan miphun caah hin kan thih ah siseh hliam kan tuar ah siseh kan miphun le ram caah tiin dah kaw chungkhar le u le nau le nu le pa kal tak ngam in ral an doh hna cu,na duh paoh in,ka duh paoh in kan holh ding le kan ti ngam hna ding a si lo,kan ning a hngal deuh ko han hih.Kailawm.Tinduh Thang

By admin

Leave a Reply

Your email address will not be published. Required fields are marked *