Evan. Tial Lian Thang cu tu bantuk in Pathian rian a rak ttuan hlan ahcun computer lei a rak thiam taktak mi a rak si. A mah hrimhrim zawng nih a rak chim mi cu kan Laimi/ Chin mi lak ahcun Computer a thiam cem pawl cu ka si lai ti tiang in a rak chim bal.

Tulio Mizo kan unau le Chinmi lawng hmanh si lo in vawleipi tiang nih an vun theih cuahmah mi Chinlung Chuak Artist nih ChinTube youtube channel ah We Are The World tihmi hlasak an sak mi an post nak ChinTube khi Saya Tial Lian Thang nih kum 2004 lio ah a rak ser mi a si nak kong cu a mah bak nih a vun chim. Evan. Tial Lian Thang biahcim nak Video link zohnak

Kan theih dih cio bang in hlasak thiam pakhat khat nih mi hla phuah a sak ahcun a phuahtu min chim ta lo in le langhter lo in an um bal lo. Cun cauk tial tu nih midang cauk holh dang in a leh a si ahcun caukĀ  arak ttialtu min ttha tein langhter a si.

Tutan Mizo le Chin mi lak ah a hung lar ngai mi ChinTube hi Evan. Tial Lian Thang nih a rak ser mi a si ko nain a min langhter bak lo i an rak um khawh mi cu khuaruahhar ngai asi. Mizoram i awn nak an tuah hmanh ah khan biahcimtu ding tiang i sawm awk a si mi hna a min hmanh langhter lo in an um mi cu thil mak ngai a si.

Relchap- Nan lautuk sual lai caah photo le video chung i nan hmuhmi khi tank asi lo ti kha rak thei cio te u. Hi pawl hi cu tank nak in tihnung lo deuh mi armoured vehicle nak hmanh in a niam deuh rihmi “armoured car” an timi asi.

Tutan ralhrang nih Chin State i a vun katter mi hi kum 50 luan cio i Brazil nih a rak siammi “EE-9 Cascavel” timi asi. “Cascavel” tihi Portuguese holh a si i a ruul meicar (rattlesnake) tinak asi.

RPG 7 asiloah sniper tha deuh mi nih cun a kah ai tha lo tukmi asi. Asinain AK-47 le G-3 hrawng cun rak kap duh hlah u a hlan kho lai lo. Cascavel a derthawmnak bik cu tank taktak bantuk in a thir a chah lo, a mongtu khi a hmailei miakpi tang zawn ahkhin a um i RPG le sniper in puak viar in kah khawh a si hmaitonh tein cun.

Cun a tlang a harnak zawn tete khi a thazaang a dernak asi ti asi. Cascavel hi a chiatuk caah ramtha deuh nih cun an cawl lo, Iraq, Colombia, Libya le Myanmar hrawng lawng nih an hman duhmi a si.

Cucaah rak tihtuk duh hlah u, RPG in rem tein nan kah khawh tukmi asi ko a sasual nak deuh ah. Cun ralkap motor ngaingai siloin private truck/lorry hlan mi deuh an lo, chin duhmi cu ralkap motor hring pipi khi an si lo ti bia.

By admin

Leave a Reply

Your email address will not be published. Required fields are marked *