Keimah cu zero ka si kha ka fiang i Pathian kutchung ah ka up dih, zei ka si ve ko rua tin keimah ten ka doh cun Pathian tha ten a cawlcang lo… Satan nih hna a ka hnawh peng.
Mi nih zeitluk in lih in thiam an i cuh i sual an ka phawt zong ah, adik mi lawng chim ka timh achan cu akan hmuh peng tu Pathian kha minung hnak in ka tih deuh, cu caah Pathian tu a cawlcang.
ka chambau nak an chim tikah ka hua hna lo, achan cu Pathian mithmuh hngan ah an chim mi si i…Pathian nih a ka remh nak ding caah si ko.
Mi dang chambau nak kong an chim ka thei cun Pathian nih annun aremh hna nak hnga thlacaam ding ka nei ti ka thei i thla ka caam piak hna.
ka pawng ah hi nu/pa cu pa kip/nu kip duh mi si nupi/pasal ding ah Hohman nih an duh tak2 lailo anti ah cun,Pathian sinah anun arem ding in thla ka caam piak hna.
Hi hngakchia hi cu mi vanchia a si a upat tik cu tihnung tuk te lai atu hman ah chim kholo anu le pa nih le zuuding mi hrokhrol an si an ti ah cun Pathian kut ah ka up.
Hlawhhlang,kutdok, mi vaivuan le zumlo tu hna ka hmuh tik hna ah Pathian kut ah an nunnak cu ka chan i Bawipa nih aremh ding in thla ka caam piak hna.
Aphun zai peng mi le vawlei sinak ah mah le mah i cawisang in aka thlak/ nautat hmang mi hna he kan i ton tikah thla ka caam piak hna.ka thlacaam mi vialte cu Pathian nih atak in atling ter dih.
Note:Achan cu Satan nih Pathian lei kar kan hlan nak aphun2 hlennak in kehleng phal a kan timh, Pathian mithmai zoh lo in bia a chim i a cawlcang mi hna cu zaangfak tuk an si huat awk tlak an silo, an theithiam kho ve lo caah thlacaam tu in i bawmh zungzal hna usih. Bawipa sunparnak caah si ko seh. Elizabeth Cer