Nihin Zinglei Ah MNDAA Nih SAC Ralkap Sakhan 2 An Laak Chap I Sakhan 90 Leng An Laak Khawh Cang. Mipi Thilthuam I Hruk In A Zaammi SAC Ralkap Pawl Cu MNDAA Nih An Tlaih Hna
Shanram chaklei Kokang pengkomh Toneshan hmunram SAC ralkap sakhan 2 cu MNDAA nih nihin November 2, zinglei ah an laak khawh.
Sakhan laak ding phan ruang ah mipi thilthuam i hruk in a zaammi SAC ralkap pawl cu lampi hmun pakhat ah MNDAA nih an tlaih khawh á¹han hna.
MNDAA nih an tlaihmi SAC ralkap pawl cu Toneshan lei in a zaammi an si.
Shanram chaklei 1027 Operation ni 7nak zinglei Kokang hmunram SAC ralkap sakhan 2 cu MNDAA nih an laak khawhnak kong cu MNDAA thawnglatu hna nih an chim.
Nihin November 2, zinglei suimilam 6:12 le 7:42 ah MNDAA nih Kokang pengkomh, Toneshan hmunram SAC ralkap sakhan 2 cu an laak khawh i hriamngan telh in hriamnam zeimawzat an laak khawhnak video zong an langhter chih.
“1027 Operation kahdohnak ni 7 chung ah SAC ralkap sakhan 90 leng, 100 tluk cu kan laak khawh cang,” tiah chaklei hriamtlai phu unau thum nih Yangon Khit Thit Media ah an chim. The Chin Post
Video