Falam peng, India ramri ah a um mi Rihkhuadar ah tuzan lei 5:00 PM tluk ah thahnawn nak a chuak hi a si.
Rihkhuadar cu ramri a sibantuk in Sumdong tuah mi an tam, phaisa thleng zawng an tam. Hi i thahnawn nak a ruang zawng phaisa ruang ah a si tiin mi pakhat sin in theih a si.
Nu pakhat nih hawi Mi Pa pa 2 a sawm hna i, phaisa thlengtu pa sin ah phaisa thlending ka ngei cuka ah rakra tiin a deh hlen i phone in a chawnh hi a si i, cu pa cu a va kal tik ah cu nu nih a hlan mi hna Mi Pa pa 2 nih cun an rak velh i an rak thah hi a si.
A ruak cu India ram Zokhuathar, Mercy Sii in ah an check fel hnu ah Rihkhuadar lei ah kal pi than a si. Hi i thahnawn nak ruang ah Ramri kutka ( gate) zawng caan zeimawzat chung khar a si. Caan tlawmpal a rauh hnuah kutka ( gate ) cu an hun than cang.
Tu lio kan ram boruak hi cu a chia hring hran ko. Kan ram buai lio a si tik ah a ho poh kan i ralrin cio hi a biapi tuk mi a si. ( Law ) Zulhphung a um lo lio caan a si caah a ho kut poh in zei poh a tawng kho mi kan si caah ralrin zia thiam a biapit tuk lio caan a si.Than Mawi Sang