Shan le Kanrenni ramri kahdohnak ah SAC 281 an thi 80 leng an I hliam, Nay Pyi Taw he a neihniammi hmun a si caah ralkap thazaang a chap chin. SAC ralkap nih Nay Pyi Taw he a neihniam Shan le Karenni ah ralkap thazaang thawng deuh in a chap chin le raltuknak fahdeuh in tuah a timh kong theih a si .
SAC ralkap nih khuakip ah Martial law a chuah hnu in SAC zung pi a umnak Nay Pyi Taw he a neihniam mi Shan le Karenni ah ralkap thazaang tam deuh in a chap pin ah a hlan nak fak deuh in tukdohnak a tuah lai kong le mipi nih an tih hna nak ding ah thiltuah an I timh kong theih a si.
“Kan mah Shan ramkulh lei ah an ti ko nain Shan thlanglei I a ummi Hpekun, Moe Be le Pin Laung hmun hma hna ah hin a hlei in tukdohnak an tuahnak hi a si, khamkhat chim cun Karenni le Shan ramri ah a si
Cu ka hmun hna ah cun kahdohnak hi a zual hma ngai ngai, a tu dirhmun kan zoh tik ah hin Nay Pyi Taw he a neihniammi hmun zong a si caah SAC ralkap cu an thin a phang I Shan le Karenni ramri lei ah hin vanlei zong in kahdohnak fak piin a tuah hi a si kong PNFC lutlai Khon Minh Htun nih a chim .
2023 February Zarh thumnak ah SAC ralkap nih thazaang 1500 hrawng cu SAC ralkap hna cu hmun 12 ah rallam an rak sial ter hna , mah rallam sialnak hi a lat 3 in a fak deuh kong ISP Myanmar nih April 10 ah a rak thanh.
Rallam an sialnak hna ah hin KA, KNDF le PDF hna nih an huap khawh mi Demosu, Bawlakay, hpekun le Pin Laung khua hna ah hin an si kong ISP Myanmar nih a langhter hmuh khawh a si .
“Vawlei lei in kahdohnak an tei khawh hna lo tik ah hriamngan kahnak, vanlawng in bomb thlaknak ti bantukpawl cu an tuah langmang, cu ti thiltuah cu an pehzulh peng rih ko zong hmuh a si , mah ti cun hmun hma lak khawh an I zuam ve hi a si
Kahdohnak zong hi hi nak fak deuh in a cang te lai zumh a si , SAC ralkap zong hi hnu an kir than lai zumh a si fawi ti lo an si khawh chung in naam an I tim peng ve kong PNDF nih an lak ter hmuh a si.
March thlachung lawng ah hin kahdohnak voi 102 a chuak cang I SAC ralkap a thimi zat hi 281 an si cang ,minung 80 an I hliam .Hi kahdohnak ah hin vanlei in kahdohnak voi 66 leng a tuah fawn theih a si.LCBN