Sagaing ramtthen, Kani myo chung ah SAC ralhrang an mah le mah kar ah kah nak a chuak i ralhrang pakhat a thi. A kap thitu pa ralhrang cu a zam caah ralhrang tampi nih heh tiah an kawl cuahmah tiah Ayeyarwaddy Times nih a langhter.
![May be an image of 6 people, people standing and outdoors](https://scontent.fdel7-1.fna.fbcdn.net/v/t39.30808-6/330256631_871920874039086_2880652391451285790_n.jpg?_nc_cat=103&ccb=1-7&_nc_sid=8bfeb9&_nc_ohc=54Ct9fps3kkAX88ekvU&_nc_oc=AQniey1a4QsJgTM17wu2gEAOjUKXbWVza2FJdrEK2GpubM6fyDi0SXhXs8Hp26aP4E4&_nc_ht=scontent.fdel7-1.fna&oh=00_AfCQSisFoTy8lzFPmBUE8FfelFGOiXbHW81pv_5GYgJSgg&oe=63F35F6A)
Kani myo a hmat (3) Myanmar sibuazi bank kam ah ralhrang duty pahnih hna cu an pahnih kar ah bia-el nak a chuak i meithal in an ni kah nak pakhat pakhat deuh cu a thi. A thi mi ralhrang hi Aung Htoo Htun tiah an auh mi asi.
Ralhrang pakhat cu a meithal he a zaam caah ralhrang zeimaw zah nih meithal he tu hi an kawl cuahmah lio pi asi. A thi mi ralhrang cu a zanlei lila ah a ruak an vui colh tiah Ayeyarwaddy Times nih a langhter.
Ralhrang meithal he a zaam mi pa cu tu tiang an tlai kho rih lo tiah theih asi. Hmun khat duty mi bak meithal kahnak tiang tiang a chuak hi cu ralhrang pawl karlak ah remlo nak fak tuk a um cang ti a fiang.