Hi Hmanthlak Te Hi Zohlaw Kan Kawlram Cu Zei Bantuk Dirhmun Tiang Dah Kan Si Timi Nai Fiang Ko Lai
Kan kawlram cu kan theih dih cio bang in Min Aung Hlaing nih kum 2021 fabuary ni 1 ah nawl ngeihnak a rak lak i nihin ahcun kum hnih le thla khat dengmang a rau cang. MAH nih nawl ngeihnak a lak hnu in nihin ni tiang kan kawlram chung ah thawngpang tha theih awk a um kho ti lo.
Civil mi fanu fapa tampi an Nunnak a liam leng ah kan pasalttha/ nusalttha tampi nih ram le miphun caah an Nunnak an pek cang. Cheu khat cu kutke/ mit hmanh a nei tilo zawng minung tam tuk an um cang. Mah lawng hmanh si lo in inn nei le ei awk din awk hmanh a nei ti lo mi tam tuk an um cang.
Hmanthlak i ka vun langhter mi hngakchia pate hi kawram hmun pakhat ah a um mi asi i, ei awk an neih lo caah a rawl ttam tuk i mi dawr ah lut in changreu pakhat te a fir, dawr neitu hna nih an tlaih i mawtaw saikal ah mahti khin hri he an ttawn chih i an hrem.
Hi hngakchia pate nihin thil sual ka tuah timi ai fiang lai ka zum lo, a rawl ttam tuk caah zeiti tuah awk a theih ti lo caah dawr i changreu a lak a si lai ka zumh. Hngakchia pate nak khin dawr neitu khi a let in an sual deuh tiah ka hmuh ning si, nang zeitin dah na hmuh ning si ve?
Note: Hawi dawt nan nih chungkhar cu nan duh paoh nan ding ei khawh lio ah khan aw napawng nakam ah khan ei awk din awk hmanh a nei lo mi chungkhar fale tampi an um ti kha philh hrimhrim hlah. Hi hngakchia pate zawng hi aw dawr neitu hna nih a dirhmun fiang tein theih piak hna sehlaw cu mahti hin an tuah hrim hrim lai lo.
Relchap- Humburg Jehova Witness Church Ah Meithal Kahnak Chuak 6 Nunnak A Liam 24 hliam an tuar. Germany khuapi Hamburg i Jehova Witness Church Kingdom ah mibu umnak hmun cu meithal keng pakhat a ho ti theih lo mi nih akah caah minung 6 nunnak aliam tiah theih asi.
Jehovah’s Witness Kingkom church hi GroBBorstel pengah a ummi si tiah an langhter. Hi kong he pehtlaiin, biachim tu Holger Vehren nih a chim ning cun hi thil hi zinglei suimilam 4:00 tluk ah cang mi si tiah a chim.
Hi kong he pehtlaiin, meithal kaptu pa hi palik hna nih ho asi ti le khoi ka in dah rat zeiruangah dah hithil hi a tuah ti mi hi tu tiang an thei kho rih lo minung 6 nunnak aliam pinah 24 nih hliam an tuar tiah an langhter. Lungmili Post
