Ram Caah Ti In! 1. Ka miphun le ka laihri tannak ram (state) hi Pathian nih a ka pek mi a si caah DAWT nak taktak he humhalh in a hmailei lampi sialpiak hi Pathian le ka ram caah ka leiba ngan bik a si.

2. Ka miphun le ka ram (state) caah ka ngeih mi mawhphurhnak hi midang a ho kut hmanh ah ka peh hrimhrim lai lo; kei mah hrimhrim nih ka tuan lai.

3. Political party pakhat khat ah i tel hi ka ram (state) le ka miphun dawt bik a si lo i, party pakhat khat i kai tel a si hmanh ah ka ram (state) ka dawt ruang lawngah a si lai.

4. Minung nih hin kan tuh bantuk tein kan zun tawn caah ka ‘state’ le ka miphun ka humhak a si ahcun hi state le miphun nih hin ka cithlah an humhak ve hna lai i kan miphun nih hin thluachuahnak kan hmuh chin lengmang lai tihi fek tein ka zumh.

5. Ka miphun le ka state caah kai pumpeknak hi DAWTNAK taktak he riantuan mi ka si caah a sin in thluachuah ka hmuh lo hmanh ah ka phunzai hrimhrim lai lo tiah bia kai kam.

6. Ka miphun le ka state caah kai pumpeknak hi minthan duh le chawva siseh thla-hlawh duh ruangah a si lo i, ka dam chan a si caah hi thin lungin ka biakam nak hna hi midang nih thaza’ng an ka pek lo zongah thih tiang fek tein i tlaih ding le ka tuufa hna sinah ka roh camcin ding hna a si ti zong ka phuan fawn.

By admin

Leave a Reply

Your email address will not be published. Required fields are marked *