Nizan 17 March 2023 ah Chin National Army (CNA) nih Tonzaang peng um ralhrang camp ( Darkhai camp)timi cu an va laak. Hi bantuk thawngpang theih hi cu a nuam kho tuk eh.
Miphun pakhat nih miphun ralkap a ngeihmi CNA ah hin lunghrinhnak umlo tein kan ruahnak, thazaang le chawva in dirpi peng hna usih.
Tu CNF nih $25 million project a tuahmi ah kut tawi lo tein Krihfabu,Khua cio nih pe cio hna hna usih, pek ti tikah anmah caah silo, Miphun caah pekmi a si khi kan fian a hau.
Kan miphun luatnak dingah aa pe mi kan miphun ralkap hna hi lunghrinh hna hlah usih. Nunnak pakhat te an ngeihmi khi dahkaw nangmah le keimah caah an nun an thaap khi tuak khawh hmanh a silo. Video link zohnak
Kyiaing Seihgyi Kahdohnak Ah SAC Ralkap 40 Leng An Thi. Karen ramkulh, Kyiaing Seihgyi khua ah SAC Ralkap le PDF kar kahdohnak a chuak i SAC ralkap 40 leng an thi, tiah Lion Battalion Commando Special Force in ralkap pakhat nih a chim.
March ni 15 zanlei suimilam 4:15PM ah Kyiaing Seihgyi peng Magyikalat khua le Kawkamar khua kar ah rallam a sialmi SAC ralkap 200 hrawng cu, Lion Battalion Commando Special Force telh in PDF hna nih an kah hna caah SAC ralkap 40 leng an thi, tiah theih a si.
Zanlei suimilam 4:15PM in zanlei suimilam 6:30PM tiang kahdohnak a chuak i, SAC ralkap 40 leng an ruak cu tiva le khuate ah an kaltak hna pin ah 30 leng hliamhma an pu, tiah theih a si.
Cu kahdohnak ah Lion Battalion Commando Special Force Column, KNU/KNLA | PDF ṭangṭi phu | ARMS (Army Representing Myanmar Society) Drone Force၊ SDDF (Saw Dragon Drone Force) hna i bawm in an kah hna, tiah theih a si.
Hmunram thianhfelnak tuah lio a si caah Kawthulay hmunram um mizapi nih, khualtlawn le umkal ralrin ding in Lion Battalion Commando Special Force nih cathanh an chuah.TCP