Hi bia hi philh hlah uh! Kalay pengchung dihlak ah milu 400,000 renglo an um i ralhrang 400 tluk hrawng lawng an um, Chin State chungah milu 500,000 tluk deng kan um i ralhrang 1,000 tluk hrawng an um lai zumh a si lo. Zeiruangah mahtluk hin an cah rih hnga?
Vanlawng an hman ruang ah a si lo, an hriamnam a thattuk ruang zong ah a si lo, raltuk an thiamtuk ruang zongah a si fawn lo, one command and control tangah fekthup in an um khawh caah asi.
Tu kan mipi ralkap CNA, CDF, CNDF, Zoland le PDF vialte hi ralhrang nakin a lét 10 renglo in an tamdeuh lai ka zumh. Asinain anmah le cangai khawrh cio in an um caah asi, lung hi i rual taktak hna usihlaw ralhrang hi an sa vokhát cio hmanh kan ting hna hnga lo.
Ka chim duhmi cu pengtlang politics lungput le leader si uar duhnak lungput he hi ral kan doh ahcun kan harsa peng in kan thih a tam chin lengmang ko lai. Ramleng CDF le PDF leader cheukhat cu phaisa duh ruang le leader tuan uar ruangah CNA ai huat termi nan tamtuk rih tihnung nan si.
CDF hi a um rih a herh ko nain tu nak in lungrual chinchin kan hau, CNA hi kan ral a si lo, cun corruption zong hi nak fak chinchin in kan doh a herh rih. One cammand and control tangah kan um lo ahcun a poi tuk te lai hi mu. CDF le PDF cu ka dirpi hna i ka tanhtuk hna nain tunak tam chinchin in one command and control tangah um kho hna sehlaw kan thawng chinchin lai.
Ralkap 200 a ngeimi hna nih abiapi tukmi raldohnak ah ralkap 10 lawng hna nan va thlah tawn, teinak taktak caah raldoh ah thlahmi siloin hnahnawhnak rak pek nak menmen ah thlahmi hna an lo pah.
Chinmi dihlak one command and control tangah kan um lo ahcun hi ral hi a caan asau lai i kan thih zong a tâm ngai te lai hi awh. Chinmi kan lungrualnak ding ah le kan tuantinak dingah AA leader Tun Myat Naing na sawm le NUG va sawm nak in CNA kan pale va sawm deuh ving ko hna u.