Zuamnak adih hnuah tuah dingah aduhmi thil kong arak phuangtu Aye Mya Phyo

Aye Mya Phyo maw Esther maw tiah winner cokhotu dingmi kongah zumhnak rak tuahnak cu Esther nih arak fainter pup ko. Tutan Myanmar Idol Season 4 zuamnak ah teitu asimi Esther nihcun phaisa ting 700 pinah apartment le album pakhat serkhawhnak ding cu arak i hum cang kha asi.

Mah kong ah hin cun mipi hna zong an lungtling cio kolai dah ka ti. Mahlio canah hin hlasakthiamtuk asivemi Aye Mya Phyo cu winner laksawngpi he an rak i sulpelh ruangah mitampi nih cun mithmaichiatukin aum sual ngha maw tile ngaihchiatukin alang sual ngha maw tiah an thin arak phang.

Sinain Aye Mya Phyo pakhat arak nusal hrim ko, zuamnak donhhlei cungah mithmai chiatnak pakhat hmanh langlotein le mirhsiam mam tein arak um kho mi nih khan mipi hna lung adamter. Cun Actor Nay Min zong nih Aye Mya Phyo alung donghlonak ding caah adonghtiangin thazang arak pek peng ve.

Cun Aye Mya Phyo nihcun winner hmuhthenglo zongah top finalist tiangah arak itelkhawhmi cungah alawmhnak kong zong arak chim. Winner sidingah arak iruahchan tuklo nain athiamkhawh chung thiam incun zuamnak arak tuahtheu tawntu zong asi.

Aye Mya Pyo nihcun inah lawiin siangin kai aduh cang nak kong zong achim. Zeiruangah tiah cun zuamnak ruangah siangin kailoin can saupi tiang arak um ruangah asi. mah ruangah hin Aye Mya Phyo cu hlasaklei adinh tak thai lai tinak asilo. Can khat khat ah cun an itong than te hna lai cu.