Zualko: Zoh Ah Khin Thinlung Nih A Celh Hrimhrim Lo Zaangfak Tak Tak An Si

Kawlram Tahan, Myothla lonh, Chekan khua kam Sadaw khua mi nutung fa 4 nei mi cu a damlo ruangah a sizung ah an luhpi i zarh khat tluk hrawng an um hnu ah nizan October 26 zinglei suimilam 6:00am ah kha a nunnak a liam tiah theih a si. A thi mi nu nih a thih lai teah a chim mi bia nih mi lungthin a khehkhuai dih cikcek.

A thih hlan deuh teah a chim mi bia cu Sibawipa sin ah Sibawipa ka dam tthan kho lai maw tiah a hal, Sibawipa nihcun aw, nadam tthan lai tiah hmaipanh ngai khin a leh, Hmanh sehlaw a zawtnak a rak zual tuk cang caah sibawite nihcun an ti khawhtawk in an ni zuam ko nain an chanh khawh lo caah a vapa le a fale minung 4 cu a kaltak ruangmang hna.

A thih tak mi a fale an min hna cu:
1. Khrih Rem Thluai kum-9
2. Zalen Mawi kum-7
3. Siang Tin Lian kum-5
4. Mang Tin Lian kum-2 hna an si.

Sibawipa sin ah a chim tthan mi cu, sibawipa thih kaimanh hrimhrim rih lo, ka fale thihtak ding ahcun an nghakchia tuk rih tiah a chim. Thih kaimanh rih lo a ti len zong ah kan nunnak cu kan mah nawl a si lo caah a kan sertu Pathian nih a za cang akan ti rawh hnu ahcun hohmah nih kan el khawh mi a si lo.

A tanglei ah hin a vapa le a fale nih an hringtu nu ruak an ttah lionak video ka thil chih rak zoh ve hmanh, minung fa nih celh ding hrim khi a si lo. Maw thihnak aw, cutluk lawmman i dawtnak ngeih lo cu huat natlai kho tuk e! Kan umnak hmun cio in a fale pa 4 hna le a vapa caah thlacamnak in bawm cio hna u sih.

Video Link