Zualko: Ngur Middle School Sayamah Pakhat A Nunnak A Liam Ruangmang

Kan vawleicung thawngpang ngai hi ruah lengmang ah lungrawk taktak a si cang. Kum khat chung ti awk virus nih lungfim lo in akan tuah cuahmah lio ah zawtnak dang nih kan nunnak a rak kan lak cuahmah tthan mi ruah ahcun ngaihchia taktak kan si.

Image may contain: 1 person, standing

Pu C. Liankamloa fanu C. Lalnuntluangi(Lani) kum 31 Ngur Middle school sayamah cu Kalfah(Kidney) zawtnak in Nov 20.2020 suimilam 12:00pm ah khan a nunnak a liam ruangmang. C. Lalnuntluangi ruak cu thaizing Nov 21.2020 suimilam 3:30pm ah khin vui a si te lai tiah theih a si.

Ngur middle school nih a fel tuk mi an sayamah C. Lalnuntluangi nih a vun thihtak ruangmang mi cu an caah cun sunghzatlak lian ngam taktak a si. Mah bantuk mifim, ram le miphun caah bochan awk tlak mi le hmanh awktlak mi an nunnak vun liam ruangmang ko cu mi zei kan ca poah ah ngaihchia taktak a si.

Covid-19 zawtnak i kan luat khawhnak ding ah cozah nawl ngeitu te nih mipi kan caah zulh phung ankan tuah piak i kum khat chung ti awk pumhnak hmanh tuah kho lo in kan um ko nain nichiar te ti awk in thihnak thawngpang nih a kan den thiamthiam. Covid-19 zawtnak in minung tampi cu kan luat ko nain zawtnak dang nih kan nunnak a kan lak thiam.

Hawi dawt tulio zawtnak Covid-19 in na luat, kan luat zong a si kho men ko, hmanh sehlaw minung kan nunnak a kan la kho tu zawtnak hi vawleicung ah a khah bak in a khat ti kha philh hrimhrim hlah. Zeitik caan poah ah ka nunnak a dih kho ti kha nghal law na nunnak kha sullam ngei tein hman khawh i zuam zungzal.