Zohchun awktlak chungkhar: Lockdown ruangah saei kholo mi hna  caah tiin an vok an thah i an khuami an sem dih hna

Tulio kan vawleipi cu coronavirus ruangah ram khat le ram khat i tlawnkainak vialte phih dih asi leng ah mipi hrimhrim leng ah chuaklo ding in cozah cio nih Lockdown tuah dih a si. Mah Lockdown cu ram cheukhat ahcun thlahkhat fai hman a si hlan in sifak hna chungkhar tampi cu dinawk eiawk hmanh a ngei ti lo mi tampi an um cang.

 

 

 

 

 

 

 

 

 

 

 

 

 

 

 

 

 

Cu chung ahcun kan Laimi tiang in kan ni tel ve cang, hi Lockdown hi caansaupi hna an tuah sual ahcun sifak hna chungkhar caah cun coronavirus ruang ah thih kan ttih kan ti lio ah eilo dinglo in thih thiamthiam dawh in kan um cang. Coronavirus achuah hnu bak in Pathian a ttihmi le mittha hna chungkhar cu an vun fiang thluahmah cang.

Cheukhat nihcun coronavirus ruangah Lockdown antuahmi cu caan ttha ah ilak riangmang in an thilman vialte hlan lio nak sang in an zuar dih. Cu bantuk ruahnak tthalo a ngeimi chungkhar tampi anrak um lio ah kan unau a si mi Mizo hna chungkhar cu harsa taktak in an zuatmi an vokthau sum (41) cu an thih riangmang i an khuami vialte anphawt dih hna.

 

 

 

 

 

 

 

 

 

 

 

 

 

 

 

 

 

Mah hna chungkhar cu, Upa LH. Lalngaihzuala hna chungkhar an sii, Lunglei Sazaikawn ah khuasa mi an si. Mah hna chungkhar nihcun coronavirus ruangah Lockdown tuah dih a si caah sa kg hmanh aicawk kho tilo mi hna caah tiin harsa taktak in an zuatmi an vokthau sum 41 bak cu an thah i an khua mi vialte anphawt dih hna hi a si.

Mah hna chungkar an thilttha tuahmi ahmutu vialte nih cun an nunzia dawh hi icawn cio hna u sih. Mah hna chungkhar bantuk in sathah awk kan ngeihlo zongah kan ngeih mi hnihkhat kha kan innpa chaktlang ah eiawk ngeilo mi tete sinah phawt khawh cio uzuam hna sih. Thilttha natuahmi cu zeitik hmanh ah lakka in a kir pal lo ti kha philh hrimhrim hlah.