Zeng zawtnak ruangah ihkhun cung a itmi anupi hreitlung hmangin athat tu pa

Natalin myone ah a vapa nih anupi cu hreitlung hmangin a cek thih tikah afapa nihcun palik sinah report nak arak tuah thiah theih asi. Pegu ramthen Natalin myone Kyauk Shway khua ahcun February 14 zan suimilam 6:30 hrawngah Ko Maung Zaw cu thitumhnak puai ah a umlio afapa kum hnih minung cu arak ra i “na nu incung in tlakrilh ruangah athi tiah kapu nih chim aka fial” tiah arak chim.

Mah tikah cun Ko Maung Zaw nih a nulepa in lei akal lioah in phanh hlan khuachung lampi cungah apa U Tin Hla kum 67 cu zurit buin arak tahlenmi cu ava hmuh. Apa cu ahnemh pahin an in leiah cun a kalpi tiah theih asi. Mah hnuah cun an in an phanh tikah cun anu Daw Koh Tay kum 67 cu a ihkhun asanlei pe khat le a cheu in arak ithlai ko kha ava hmuh tikah cun ihkhun cungah cun a ihter than.

Mahti Ko Maung Zaw nih a nu a ihter than lioah cun a tukbakhur leiah atlekmi hma pathum ruangah holh khotilo in a um hnuah cun afapa kut cungah arak thi. Mah lainawngtu pa U Tin Hla cu a hlan zawngah lainawn case ruangah hremnak arak hmu cangtu asi tiah theih asi. Tutan athahmi anupi zongcu can saupi chung zeng zawtnak in ihkhun cungah a umpeng tikah cun amah nih zeizong vialte arak tuah piak dih tawn.

Mah thil ruangah cun nifatinte a phun zai pengi a donghnak ahcun a zuritbuin hreitlung hmangin a tuk thah nak hi asi. A fapa bak nih arak report nak arak tuah. Fanu le fapa zong angeih hna nain indang an chuak dih cang hna. Tule zong a thlawt thlau tu zong asicang tiah Taw Ngyo palik sakhan in nawlngeitu pakhat nihcun a chim. Mah case he pehtlaiin U Tin Hla kum 67 cu Natalin myone Taung Ngyo palik sakhan nih lainawng case an awrhter tiah theih asi.