Zan nghilh kholo tiangin na khuh asiahcun “a tanglei bantukin rak tuah ve

1. zan na ih hlante ah tilum chungah khuaihliti thlak law ding. Khuaihliti nihcun a phingmi hna azorter pinah khak hna zong anemter. Khuaihliti na ngeihlo zongah tilum ngaimi chungah cite thlak law na ka thuahpiak tawn. Mahbantukin natuah asiahcun a phingmi hna azorter pinah khak hna zong anemter dih. Pudina hnah asilo ah hamhhuai hnah na eipiak khawh asi ahcun ihduhnak lungthin athawhter ruangah mitkuh vuailo cun na um lailo. Khuh zong adamter deuh pinah ihkhawhnak thazang zong apek theu tawn.

2. na ihning cang kha thleng tuah. Kan i nghilhlio ah kan khuhmi khicu vawleipi hipnak thazang ruangah asi. A thalin(vanlei hoihin ih) kan ihtikah khin hnarkua chungah ummi ti hna cu hrawmchungah an luh tikah hrawm nihcun umzia arak thiam tilo. Mah ruangah hin thawtein kan i nghilh lioah kan khuh tawn cu asi. Cuticun na keng zawnah khan chantling chiah law nghauh tuah, thutlio bantuk in rak um chung. Cun hadamtein it ding asi. cheukhat hna nihcun chantling nuamte he an ih tikah pawpi chung um acid hna cu hrawmchungah an rak luhthan tawn tikah cun an khuh tawn. Cu ruangah cun na ke nak sangdeuh in chantling tuah tawn.

3. Tilum khu cu ralringtein hmang tawn. Arocar tukmi thli nihcun khuh achuahter khun tawn. Zan na ih laiah cun tilum tak mi he tikholh piak ding asi. Tilum hmangin tikholhnak khan nan ngeih asile bang asiah cun a chungah va thutnak nih khan khuh adamter deuh tawn. Sinain tangfak zawtnak angeitu hna nih mahbantuk tilum khuvai hna hmangin arak ikholh asiah cun tangfak azualter khawh.

4. Pawngkam hnawnternak seh ralringtein hman aherh. Pawngkam thlizil arotuk tikah cun thli hnawnternak seh hmanpiaknak nih khuh akham khawh ti asi. Amahbelte cu tamtuk hnawnter ah cu khuh achuak kho than ti asi tikah azatawk theih aherh tinak asi. pawngkam hnawnternak seh cu 40-50 % karlak ah chiah peng atha. Hydrometer cawk ah cun atha ngai thilman fak zong asilo.

5. Ihkhun thianghlimte in thianh piak peng ding asi. Ihnak na kai bakin nakhuh asiah cun na ihnak kha ahnawm tuk tinak asi. Chantling, ihkhunphah, chantling khuh, ihkhuh khuh tite pawl hna zong kha zarhkhat voikhat talcu nilin ah pho tawn ah atha. Cun satpia he zong sukpiak tawn ding asi. Thilhnornak darling nih nawh dih hnuah hman atha.

6. Ihkhun pawngah chiahpeng dingmi thilri pawl hna. Ihkhun pawngkam ah cun ti thiang dur, hrai, khuh damnak sihang, hmawm mi sitlang, tissue le pawvuah hna cu aherh canah kawl chawm herhlo dingin chiah peng ding asi. Mah bantukin ralring ciatein kan chiahmi thilri hna nihcun zan kan khuh tikah fawitein kan herhmi kan hmuh khawh lai.

7. Si konglam thatein theih i cawk thiam aherh. Fawitein cawk khawh asimi si hna hmangin na khuh adamter khawh tawn. Khak nemternak si nihcun tangfah adamter khawh. Khuh si nih cun khuh adamter lai caah na khuh asiah cun khuh si cawk aherh. Cubantuk thiam cun na tang afah asiah cun tangfah si cawk aherh.

8. sibawile panh hi a fawibik damnak pakhat cu asi. Zarh hnih chung hrawng na khuh cangi adam khawh rihlo asiah cun sibawile panh aherhtuk cang tinak asi. A khuh cangmi minung nihcun ngandamnak lei ah chambaunak le zawtnak pakhat khat angei cang timi kha theih atha.

Leave a Reply

Your email address will not be published.