Zan fatintein khauhsuai chuanmi lawng a ei peng ruangah tu hnu kumkhat chung telawng nun can angei cangmi kum 18 sianghakchia pa

Tu chan ah cun aman zawng afawi pinah tuahtau ning zong afawituk ruangah eikhawhcolh in tuahmi khauhsuai cu mino tampi nih an ei theu tawn. Mah bantuk eimi arak lartuk tikah cun vawlei cungah a eitu zong an karh chin lengmang ve.

Tutan kan rak langhter dingmi zonghi Taiwan ram ah sianghakchia kum hleiriat pa pakhat nihcun khauhsuai chuanmi lawng zanchiar tein arak eipeng ruangah tuhnu kum khat chung te lawng nunnak can angeih cangnak konglam asi.

Mah sianghakchia pa nihcun final exam hrangah can tampi ngeih duhah rawl zong chuang tiloin khauhsuai lawngte cu zan chiar arak ei ti asi. mahticun rawl zong chuang manhlo tiangin aum tikah cun kum khat chung tiang bak khauhsuai cu arak ei ti asi.

Mah sianghakchia pa nihcun Mechanical Engineer cawnkhawhnak dingah tiin mah bantuk tlukin arak izuam hi asi. Sinain achun mang cu an lo cikcek dengmang khi asi. Arak einak nih asautuk cang tikah le a rak eimi atamtuk cang tikah eikhawh colh dingin sermi khauhsuai chungah um mi Melamine dat ruangah a pawpi cu arak cancer cang khi asi.

A paw arak puar hramthok ah hin cun thlichunh ruangah pawpuarmi ah arak ruah veko. Sinain adam khawh hleilo tikah cun sizung minthang pakhat ah kalin ai va piah tikah cun pawpi cancer S 3 arak ngei timi an hmuhchuah. Cancer zawtnak hrik nihcun a rilpang hna tiangah an rak phanh cang pinah a thin zong arak irawk then cang ti asi.

Cu ruangah cun tu hnu kum khat chung telawng a nung canglai tiah sibawi le nihcun an chim. Careltu hna zong nih mah pate thil tonmi hmangin kan pumsa zohkhenhnak kongah ralrin nak petu sihram sehlaw timi zawnruahnak he karak tarchin mi asi.

Leave a Reply

Your email address will not be published.