Yangon University Compound Chung Um Cozah Rianttuan Minung 9 Sin Ah Covid-19 Zawtnak An Hmuh

Kawlram khualipi Yangon University compound chung um cozah rianttuan tu minung 9 cu Covid-19 zawtnak an kai tiah theih a si. An hmun mi hna cu chungkhar in khuasa mi an si hna tiah Kamazuat myone lutdaw palai U Tin Win nih a chim.

Zawtnak an hmuh mi hna chung ah hin cheukhat cu company rianttuan tu an ni tel tiah an si. Zawtnak an kai ning cu leng an chuahvah nak le Yangon University kum 100 tlin lomhnak puai an tuahnak in an kai tiah Tan hlutdaw palai U Tin Win nih a chim.

Zawtnak a kai mi hna cu chungkhar khuasa mi an si caah thinphang ngai ngai an si. Leng an chuahvahnak le puai an kal nak ah zawtnak an kai mi a si caah a herh tuk lo ahcun lengchuah tam lo hi zawtnak lak in kan luat khawhnak lam um chun pakhat a si.

University kum 100 tlinnak puai an tuahnak in an kai mi a si lo tiah leng an chuahvah nak in an kai mi a si deuh tiah hlutdaw palai U Tin Win nih Duwun thawngzamh tu sin ah a chim. Kamazuat myone University ah hin a vawikhatnak Covid-19 zawtnak a rak i thawkka ah khan zawtnak anrak hmuh nak hmunhma a si.

Tuah cun nikhat ah pakhat, pahnih tu bantuk in zawtnak an hmuh lengmang nak kawng cu Kamazuat myone Ohchohzihmu U Thein Zaw Oo nih cun Duwun sin ah achim. Zawtnak an hmi mi cozah rianttuan tu hna hi bazar an kai nak le an khual tlawnnak in maw an kai tihmi cu biafiang theih khawh a si lo.

Tuah hin Kamazuat myone ah Covid-19 zawtnak kai mi dihlak cu 2000 hrawng an phan cang i mah chung ahcun Yangon University comppound chung um mi sin in minung 9 an hmuh hi asi. Tulio zawtnak an kai cem nak hmun cu leng chuahvahnak le bazar kai nak puai kal nak deuh in a si caah ralrin taktak a herh. Rf; Duwun

 

You cannot copy content of this page