Yangon, Mandalay Khua Inn Number Vialte An Hnawh Caah Ralhrang Le Palek Nih Tlaih An Duhmi An Tlai Kho Ti Lo

Yangon, Mandalay tbk Kawlram khuapi lei ahcun inn number vialte an hnawh/lak dih cang i, Ralkap le police nih tlaih an duhmi minung an Kawl kho ti hna lo. Kan ral/terrorist hna tei khawhnak ding ahcun “thluak” hman thiam a biapi tuk.

22 Houses in Yangon ideas | great house, renting a house, yangon

Ral ram ahcun “Thluak” hman thiam hi himnak bik a si. Kan zam ahcun, kan sung ti kha hngalh colh ding a si. Cucaah, zam lo ding hi a biapi tuk. Chin ram chung ah, Khua a ummi vialte hna, nan/kan khua cio “chuahtak” lo kha a biapi tuk. Nan khua i, nan innlo te ahkhan thate in um cio ko u.

Kawl holh thiam hlah u. Kawl Ralkap nih bia an in hal hna zong ah hollet kan herh ti ko hna u. Khua pakhat ah Kawl holh a thiammi pakhat a um ahcun a za ko. Farmer/Civilian nan si kha fakte in dirpi ko u.

Petrol bomb lobbed at Daw Aung San Suu Kyi's house | The Myanmar Times

Khua kan zamtak ahcun, SAC rakhrang caah vok le ar, buh thaw le sa thawthaw kan pek hna bantuk a si. Ral kan sung tiah langhter bantuk zong a si chih. Cun, Khua kan zamtak ahcun, SAC ralhrang pawl an ral a ttha chin chin lai. An so a paw a chin chin lai.

Cucaah, ttih lo tein, mahle khua, innlo te ah um ko usih. Senthang Peng lei khua pawl zong, nan khua te ah nan kir dih tthan tiah kan theih i kan ilawm taktak. Miphun le ram nan dawtnak hmual a lang.

Obama opens landmark visit to Myanmar - masslive.com

CHIN miphun, khua kip ah khuasa vialte, ei le din kong ah kan lung re thei hrim hlah seh. Kan khua cio ahkhan um ko usihlaw, ei le din cu chanh le pek kan si ko lai. Khua kip, kan khua cio kan zamtak dih belte ahcun, harnak fakpi kan tong kho.

Khua le ram sersiam ding in nunnak a pemi kan Mino zong an zaang a der lai. Cucaah, 2021 Spring revolution cu, miphun pi Revolution a si. Tar in ngakchia tiang, ram chung, Ramleng, kan dihlak in cawlcangh cio a herh.

Myanmar President Orders Officials to Preserve Evidence of Rakhine Atrocities

Khuami nih Khua ah fakte in um izuam usihlaw, Ram vengtu, Mino nih ram an veng ve lai. Ramleng lei nih ei le din, chawva in kan ttang ve lai. Cutin, kan lung aa rual ko ahcun, kan ral hi zungzal caah kan tei hrim lai. Crd: Zasang Cinzah