Yangon Khuapi Chungah Vompi A Lut I Tlaih An Timhnak Ah Mipa Pakhat Fak Ngai Vompi Nih A Seh

Hi tluk covid-19 ruangah thinphang le lungrethei i an um lioah kawlram khualipi Yangon khua chung ah Vompi ngan taktak a lut i tlaih an timhnak ah ramsa dum zohkhentu pa cu Vompi nih fak taktak in a seh. Mah thil cangmi hi Yangon Tan Hlaing khua chug ah a cang mi thil a sii, nawl ngeitu hna nih an chim ning ahcun mah Tan Hlaing hi ram he ai hlat taktak mi asi tiah an chim.

Mah caah cun mah Vompi hi cozah theihpinak tel lo in mipakhat phat nih an zuatmi a rak chuak mi si lai tiah an zumh nak kong cu an chim. Mah vompi cu Tan Hlaing myone khuate pakhat ah an tlaih khawh tiah theih a si. Tlaih an timhnak ramsa dum zohkhenhtu pa cu Vompi nih a khuk hrawnghrang ah fak ngai in arak seh. An tlaih ning cun thilen hmang in caansau nawn hnu ah khin an tlaih khawh.

Mah Vompi hi ningcang lo in mipakhat khat nih an zuatmi a si ko lai tiah an zumh caah hlathlainak an tuah i kan theih bak ahcun fak taktak in dantatnak kan pek lai Hlutdaw palai pakhat a si mi U Nay Lin Aung nih Duwun sin ah a chim. Vompi a lutnak hi Pekhu zuma taung, Zakhine yuma tuang pakhat khat in arak ra mi cu asi kho lo hrim hrim tiah an chim.

Mah caah cun hi Vompi hi minung pakhat khat nih an zuatmi hrimhrim a si lai taih hlathlainak an tuah cuahmah lio asi. Mah bantuk ramsa khua chung lutmi cu direct in thah khawh le si fawn lo caah minung tiang in fahnak an tuar phah caah a zuattu ka theih hrimhrim ahcun fak taktak in dan kan tat lai tiah U Nay Lin Aung nih cun achim than.

Tuni an tlaihmi Vompi cu Hlaw-kaa ramsa dum ah an chiah tiah theih a si. Mah bantuk ramsa ttihnung pumpak nih zuat phal asi lo caah kan theih hrimhrim ah cun fak taktak in dantatnak kan pek hrimhrim lai tiah Nay Lin Aung nih cun a nawlh tthan. Tuah hin mizei nih dah an zuat tihmi cu hlathlainak an tuah cuahmah lio a si.

You cannot copy content of this page