Yangon Khuapi Chung Ah Covid-19 He Pehtlai In Nu Pakhat Biachim Mi Cu Ngaihchia Ngai A Si

Tulio kan vawleicung akan buaiter dihtu coronavirus ruang ah kawlram zawng lungrethei ngai ngai an si. Kan theih cia bang in kawlram cu eihmuar tam taktak nak ram a si caah cun covid-19 zawtnak a vun chuah bak in eihmuar nak a zual khun mi hna a lo.

Tulio kawlram khualipi Yangon online cung ah lar ngai mi pakhat cu Mint Maung kum 74 cu cancer damlo nak ruangah sizung ah kalpi asi. Vanchiat ah Mint Maung cu a nunnak aliam. Aruak phurhnak ding ah sizung mawtaw hman cu sipin pawl nih an phal hna lo cah anmah sipin mawtaw in a ruak cu anphurh.

Sipin pawl hna nih cun Mint Maung fanu sin ahcun ruak phurh man phaisa nakan pek a hau tiah an hal caah kyat ting 120000 anhal i pek awk angeih lo caah zangfah ahal hna i kyat thong 65000 apek hna taih theih a si. Mint Maung hi zun thlum zawtnak ruangah sizung ah afanu nih a luhpi mi a si ko nain covid-19 in a thi mi asi taih sipin pawl nih anti caah mah vialte ruak phurh man phaisa ahal hi a si.

Zun hlum zawtnak in a thi mi Mint Maung cu covid-19 zawtnak in a thi mi a si tiah an ti piak hna caah a chung le cu an lung a rawk ngai ngai. Mah lawng hmanh si lo in a ruak phurhmanh sipin pawl nih phaisa tampi an hal chih rih caah an lung a fah khunnak cu a si.

Covid-19 boruak lio a si caah cozah lei ah mipi hna caah biatak tein tuanvo an lak piak lio caan hi bantuk in ruak phurhnak tiang phaisa hal an tawn mi ruang ah a thi mi Myint Maung fanu nih cun an cung thil tlungmi ruang aa cenat lo nak kong achimphuan pah in cozah lei nih mah bantuk thil cangmi hi tuanvo kan lak piak hram uh tiah achim.