West Bengal Election Duty A Kal Nak Ah Covid A Kai A Nupi Fale Kal In A Nunnak A Liam

Mizoram cu Covid-19 pulrai nih biatak tein a den cuahmah lio pi asi caah lungrethei taktak in mipi he hruaitu he an um lio pi a si. Nizan may 24 zan suimilam 7:25 ah Pu Lalthanzova kum 35 Zotlang Aizawl cu Pneumonia le Covid-19 pulrai tuangah ZMC siizung ah a nunnak a liam.

May be an image of 1 person, military uniform and outdoors

Pu Laltlanzova kum 35 hna cu kan hnung may 1 ah khan Covid zawtnak nih a phak ve caah Serchhip CCC tangin 7.5.21 ah ZMC ah an tthial than hnuah tu bantuk in a nunnak a liam hi asi. A khualtlawn nak in a rak tlung i anupi fale sin hmanh ah a phanh manh hlan ah ZMC a um lio ah a nunnak a liam.

May be an image of 2 people and child

Amah Pu Laltlanzova Zotlang Aizawl cu Mizoram Palek rianttuanmi a si i, Assam West Bengal election duty in akal tawn mi asi. Assam West Bengal election duty dingin an kal cu a rak tlung i Covid test an tuah i a rak positive caah Serchip CCC ah zohkhenh a si i, a tthat khawh hlei lo caah May 1 ah khan ZMC ah zohkhenh than nizan ah khan a celh ti lo in a nunnak a liam hi asi.

RELCHAP-AN RAM CHUNG HMUN DANG DANG AH BUAINAK TUAHTU PALESTINIAM MI 74 ISRAEL NIH AN TLAIH.
Israel le Gaza buai nak cu ni 11 a luan ciang i, kahdohnak thawngthanh nak an tuah mi zong ni 3 a luan cang tiah theih a si. Isarel nih an ram chung hmun dang dang ah buaibai nak tuahtu Palestian minung 74 an tlaih hna.

Kan hnung zarh chung ah khan Israel ram chung hmun tampi ah an tlaihmi minung hna nih hin buainak phunphun an chuahter ruangah an tlaihmi hna an si. Hebrew media report ning ahcun an tlaihmi hna minung pawl cu Arab mi deuh longte an si tiah an langhter.

Isarael palik nih Arab community chungah hin buainak tam deuh an chuahter tiah anti caah Arab miphun nih kan hnung zarh hnih chung ah khan buainak an chuahter lengmang ruangah Israel palik nih minung 1550 an tlaih hna.

Nizan ah khan Defence Minister Benny Gantz nih Gaza’s reconstruction le phunglam an caihhmai nak ah, 2014 kum ah Hamas hna nih Israeli civilians minung 2 an tlaih mi hna le IDF 2 thi mi an ruak cu, Israel nih nankan pek tthan loh ahcun Gaza caah harsatnak fakpi kan chuahter lai tiah an chim.

Mah ti bia an chim ruangah Hamas lutlai pawl an thinhang tuk i, Lebanese newspaper Al-Akhabar quotes officials Hamas woulh’not be blackmailed tiah an chim phah. Hamas officials hna nihcun rocket attacks kan ngei tthan lai tiah Israel cu an hrocer hna.

Relchap-Ralhrang Hna Phu Nih NLD Kan Hrawh Lai Timi Kongah Daw Aung San Suu Kyi Biachim Cu Uar Um Kho Tuk Eh. Misual pa Min Aung Hlaing nih a tlaih i House arrest ah an chiahmi Daw Aung San Suu Kyi nih rampi hna cu ngamdam tein um rak i zuam zungzal uh tiah thazaang peknak bia achimmi nih mipi thazaang tam tuk a pek hna.

Kan hnunglei zarh ah ralhrang lei Election Commission Chairman nih NLD party kan phiat lai tiah a rak chimmi cu Daw Aung San Suu Kyi nih hiti hin lehnak a vun tuah colh. NLD party cu mipi nih dirhmi party asi caah mipi an um chung cu NLD party cu a um peng ko lai tiah a chim.

Daw Aung San Suu Kyi nih a chim hmaisat cem mi bia cu, mipi nan dihlak ngamdam tein um khawh rak i zuam zungzal uh timi bia a si. Mipi ngandam tein nan um khawhnak lai thla kan cam piak zungzal ko hna tiah a chim fawn. NLD party a rak chuah khawhnak cu mipi nan mah thawng a si bangin mipi nan um chung cu NLD party cu a um zungzal ko lai tiah a chim.

Kan pi/ Kan Nu biachim mi bia te cu Daw Aung San Suu Kyi sihni(Lawyer) Daw Min Min Soe nih tu bantuk in mipi sin ah a chim hi a si. Biacaihzung an auh nak ding ah an tawlrel mi cu a umnak inn kam teah a si ko nain a ni le caan a phanh taktak tik ahcun Naypyidaw compound chung building pakhat ah an tuah tthan tawn tiah theih asi.