Vun rong adangmi faphir ahrin ruangah lunghrinh atongtu nu

Nigeria ram, Lagos khua ah minak nu pakhat nih cun vun rong a khatlomi faphir ahrin ruangah pawngkam minung hna nih cun amahnu cu vacung paduh asilai tiah an lunghrinh tiah theih asi. Mah faphirhna hringtu pa cu Babajide kum 38 asi tiah theih asii mah hna an nu cu Stacy kum 30 asi tiah theih asi.

Faphir hna tucu Daniel le David Omrin hna an si. Faphir an sinain an unau nih hin ilawhnak an ngeih hrimlo. David cu avun rong arangmi asi pinah asam zong suirong asi lioah aunaupa tucu minak in achuak. Mah hna unau an zohtik hna ah hin mitampi nih cun Stacy cu midang he sualnak an tuah asilai tiah an lung ahring.

Sinain Stacy cu pa danghe aduhmi arak sihrimlo. David cu Albino tiah kawhmi dirhmun he achuakmi asi ruangah hin avun rong adannak hi asi. Can tlawmpal hnuah cun nghakchia hna dirhmun cu mitampi nih an rak cohlan khawhve cang. Tuah cun David le Daniel hna cu an umnak hmunah sele an sicang.

Stacy cu fashion designer pakhat asi tiah theih asi. Stacy nih ahrinmi afanu Demilade kum li nghakchianute zongcu anu bantukin vun rong ngeitu asi. Zeimaw can ah cun kan mit nih kan hmuhmi hmang hin biachahnak sual tuahkhawh arak sitawn. Kan hmuhmi phenah hin adikmi biathli hna hi arak iphum ziar tawn.