Vietnam ramah cuap phing zawtnak(coronavirus) keng tiah lunghrinh mi minung 59 an hmuh hna

January 26 thawngpang tarlanghmi ah cun Vietnam ram chung hmun tamp ahcun khuasik(raifanh) zawtnak hmangin azawmi minung 59 hna lakah minung 22 hna cu coronavirus kengmi an si kho tiah lunghrinh an si pinah a tangmi minung 35 hna zong cu thatein chekhlat nak tuah chin an silai tiah theih asi.

Mah mizaw 15 hna lakah mizaw 13 hnacu Vietnam minung an sii a dang minung pahnih hnacu Tuluk ram minung an si tiah theih asi. Mah hnacu Wuhan in arak tlungmi hna an si tiah theih asi. Mah anlunghrinhmi minung 59 hna cu ttha tein check-up nak tuah an timh hna.

Chekhlat nak result cu nghah lio asi. Cho Ray sizung ah pafa pahnih hna belte cu an khuasik a tum deuh tikah le khuasik sawh sawh mi an si tiah thawngpangh theih than asi. Ngandamnak lei zung nihcun Wuhan virus khamnak dingah ngandamnak lei konglam ah ralrinpek nak an tuah lengmang pinah rak i ven ningcang hna zong an thanh thluah mah ko tiah theih asi.

Tuhrawng hrang mah coronavirus nih vawleicung ahninh ning hicu tihnung tuk khi asi. Kan kawlram Muse khuachung zongah coronavirus zawtnak tiah zumhmi mizaw pakhat an hmuh tiah thawngpang nihle arak thang ve tikah kawlram minung hna zong lau koin kan um dih hna.

Coronavirus nih hin ram zeizat dah kal atimh i minung zeizat dah thah arak timh timi cu theihkhawh asilo tikah kan umnak hmun cioah ralringtein kan um hna aherh tak tak. Kan laimi tampi hna zong Tuluk ram chungah riantuan in an um hna tikah thinphang tuk asi.

Cononaravirus thahnak sii hmu kho lo in caansaupi an sual ahcun caan rauloteh vawleicung pumpi a culh dih te ko lai. Zumtu nangmah le keimah nih biatak tein thlazacamnak in kan bawmh a herh ti kha philh hna hlah u sih. Ai thawknak China ram ah khin kan laimi minung tampi kuli ttuan an um caah lungrethei ngai ngai an si.

You cannot copy content of this page